1 Petro 3:16 - Testamente Leyimpsha Xichangana

¹⁶ kambe misviyendla hi moya wa kutenga. Nasvona, mitshama na mili ni ripfalu leribaseke, lesvaku loko mihembeliwa, lavasandzaka mahanyela ya n'wina layolulama ka kriste, vatakhomiwa hi tingana.

BIBELE Mahungu Lamanene

¹⁶ kambe mi swi endla hi moya wa ku olova ni wa xichavo. Naswona, mi tshama mi ri ni ripfalo leri tengeke, leswaku loko mi hemberiwa, lava sandzaka mahanyelo ya n'wina layo lulama ya Xikriste, va ta khomiwa hi tingana.

Xitsonga (Bibele)

¹⁶ mi va ni ripfalo lerinene, leswaku timhaka leti va mi lumbetaka ha tona kukotisa loko ngi mi ri swidyohi, va khomiwa hi tingana eka tona, lava hlevaka mikhuva ya n'wina leyi nga eka Kriste.

1 Petro 3:16 Referans Kwoze

1 Petro 2:12

Hanyani hi mukhuva lowolulama xikarhi ka vamatiko, lesvaku loko vatshuka vamilumbeta, vaku mivajohi, vatavona mintirho ya n'wina leyosaseka, vadzunisa Xikwembu, hi siku leri xingatata ha rona.

Vaheveru 13:18

Hikhongeleleni, hikuva hitshemba svinene lesvaku hi ni ripfalu leritengeke, na hili karhi hinavela kuyendla lesvilulameke minkarhi hinkwayu.

1 Petro 2:15

Hikuva i kurhandza ka Xikwembu lesvaku, hi kuyendla lesvolulama, mitamiyeta lavangativiki nchumu, hi mhaka ya vuphukuphuku bza vona.

Tito 2:8

tirhisa marito lawa manga wona ya ntiyiso, lawa mangasolekiki, lesvaku lweyi alwaka na wena atakhomiwa hi tingana hi kupfumala svobiha lesvi angasvivulaka ha hina.

Matewu 5:11

“Mikatekile loko vamirhuketela, loko vamixanisa ni kumilumbeta hi mavunhwa lawa yotala hikolaho ka mina.

1 Petro 2:19

Hikuva wakhenseka munhu lweyi avekaka Xikwembu mbilwini, kutani atiyisela mahlomulweni na ali karhi atwa kuvaviseka na angawonhanga nchumu.

1 Petro 3:21

Ntsakamiso wuyelana ni mhaka leyi; svosvi wa miponisa, kungali hi kususa nsila mirini, kambe hi kuyendla lesvaku mikombela ripfalu leribaseke ka Xikwembu. Ntsakamiso wa miponisa hi mhaka ya kupfuka ka Yesu Kriste kufeni,

1 Timotiya 1:5

Kasi, laha xitsundzuxu xa hina xikongomeke kona, i kupfuxa rirhandzu lerihumaka mbilwini leyobasa ni le ripfalwini lerinene, ni le kupfumeleni ka ntiyiso.

Varhoma 9:1

Nivula ntiyiso, ni wa Kriste, anihembi; ni ripfalu ra mina, hi kupfuniwa hi Moya Lowokwetsima, ritiyisa svona:

Timhaka 24:16

Hikolaho niringeta hi matimba, masiku hinkwawu, kukumeka na nili lweyi atshunxekeke moyeni wa mina, mahlweni ka Xikwembu ni le mahlweni ka vanhu.

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.

2 Vakorinto 1:12

Kutidzunisa ka hina hi loku: Ripfalu ra hina rihibzela lesvaku hihanyile xikarhi ka vanhu hi kululama ni kutenga loku kuhumaka ka Xikwembu, ngopfungopfu loko hitirhisana na n'wina. Hihanyile kungali hi vutlhari bza misava leyi, kambe hi timpsalu ta Xikwembu.

2 Timotiya 1:3

Nikhensa Xikwembu, xona lexi nixitirhelaka hi ripfalu leribaseke kufana ni vakokwana, na ningatshiki kukukhongelela vusiku ni nhlekanhi.

1 Timotiya 1:19

uhlayisa kupfumela hi ripfalu leritshunxekeke. Hi kudlaya mapfalu ya vona, van'wana valahlekeliwile hi kupfumela.

2 Vakorinto 4:2

Hitshikile mintirho hinkwayu ya munyama ni ya tingana; ahihanyi hi kukanganyisa vanhu; ahihambukisi Rito ra Xikwembu; kambe hihumelelisa ntiyiso rivaleni, kutani hitikomba na hili lavakhensekaka aripfalwini ra mun'wana ni mun'wana, ni le mahlweni ka Xikwembu.

Timhaka 28:22

Kutani hifanele kutwa miyanakanyu ka wena uyivula hi nomo wa wena, hikuva loko yili jondzo leyi yohambuka, hayitiva lesvaku ya yaliwa hinkwaku.”

1 Petro 4:4

Vahlamala loko vamivona svosvi na mingahafambi na vona, kuwonhekeni loku kutlulisaka mpimo, kutani vamisandza.