1 Petro 2:5 - Testamente Leyimpsha Xichangana

⁵ Kutani, kufana ni maribze lamahanyaka, na n'wina mifanele kuyakiwa miyendla yindlo ya moya, lesvaku mitava vaprista lavahlawulekeke, mihumesa timhamba ta moya letiyamukelekaka ka Xikwembu ha Yesu Kriste.

BIBELE Mahungu Lamanene

⁵ Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

Xitsonga (Bibele)

⁵ na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

1 Petro 2:5 Referans Kwoze

1 Petro 2:9

Kambe n'wina, mi rixaka lerihlawuliweke, mi vaprista va Hosi, mi tiko lerihlawulekeke, vanhu lavanga va Xikwembu hi ntiyiso, lesvaku mitakota kutwalisa mintirho leyosaseka ya lweyi amivitaneke kuhuma munyameni, mitanghena kuvonakaleni ka yena loku kuhlamalisaka.

1 Vakorinto 3:9

Hikuva hina hi vatirhikulobze ni Xikwembu, n'wina mi nsimu ya Xikwembu, mi yindlo ya Xikwembu.

Nhlavutelo 5:10

“Avayendlile tiko, ni kuva vaprista lavatirhelaka Xikwembu xa hina, kutani vatafuma misaveni.”

1 Vakorinto 3:16

Xana amisvitivi lesvaku mi tempele ya Xikwembu, ni lesvaku Moya wa Xikwembu wuyakile ka n'wina ke?

Vaheveru 3:6

Kambe Kriste, atshembekile tani hi n'wana lweyi anga n'winyi ndlwini ya Xikwembu. Kutani hina hi yindlo ya xona, loko hikhoma hitiya, kutshembeni ni le kutlangeleni ka hina hi tlhelo ra svilo lesvi hisvilangutelaka.

Nhlavutelo 20:6

Munhu lweyi avonaka kupfuka kufeni lokorhanga, akatekile, nasvona akwetsimile. Rifu ra vumbirhi ari na matimba henhla ka vanhu lavotano, kambe vatava vaprista va Xikwembu ni va Kriste, kutani vatafuma svin'we na Kriste malembe ya khulu (1 000).

1 Vakorinto 6:19

Xana amisvitivi lesvaku miri wa n'wina i tempele ya Moya Lowokwetsima lowu minga na wona, lowu Xikwembu ximinyikeke wona, ni lesvaku amitifumi, ke?

Varhoma 12:1

Loko svilitano vamakwerhu, na mikhongotela hikolaho ka timpsalu ta Xikwembu, lesvaku minyiketa miri wa n'wina hinkwawu, wuva mhamba leyihanyaka, leyihlawulekeke, leyitsakisaka Xikwembu; hi wona magandzelela ya n'wina ya ntiyiso.

Nhlavutelo 1:6

ahiyendla tiko, ni kuva vaprista lavatirhelaka Xikwembu Tatana wa yena, ka yena Kriste akuve kudzuneka ni matimba, hilaha kungaheliki! Amen.

Vafilipiya 4:18

Nikumile hakelo hinkwayu, ni kutlula. Ni ni lesvotala, hikuva Epafrodito anitisele tinyiko letihumaka ka n'wina. Tinyiko leti tifana ni mhamba leyinun'hwelaka, leyi yamukelekaka ka Xikwembu, yixitsakisa.

2 Vakorinto 6:16

Tempele ya Xikwembu yi ni vunakulobze bzihi ni svikwembu sva hava ke? Hikuva tempele ya Xikwembu lexihanyaka hi hina, kufana ni lesvi Xikwembu xingate: “Nitayaka xikarhi ka vona, nifambafamba ka vona, nitava Xikwembu xa vona, kutani vona vatava tiko ra mina.”

Nhlavutelo 3:12

Lweyi angatahlula, nitamuyendla nsika leyikulu Tempeleni ya Xikwembu xa mina, kutani angakala angahumesiwi ka yona. Nitatsala henhla ka yena vito ra Xikwembu xa mina, ni Vito ra doropa ra Xikwembu xa mina, anga Yerusalema lwemumpsha leri rixikaka hi le tilweni rihuma ka Xikwembu xa mina; nitatsala ni vito lerimpsha ra mina henhla ka yena.

Varhoma 15:16

kuva mutirhi wa Yesu Kriste xikarhi ka vamatiko. Mina, kufana ni Muprista, nivula Mahungu Lamanene ya Xikwembu lesvaku vamatiko vava mhamba leyiyamukelekaka ka xona, leyihlawulekisiweke hi Moya Lowokwetsima.

1 Timotiya 3:15

lesvaku loko nitshuka nihlwela, utasvikota kutiva hilaha munhu angahanyaka hakona loko ali njangwini wa Xikwembu, yinga kereke ya Xikwembu lexihanyaka, mhandze leyikulu ni xiseketelo xa lesvinga ntiyiso.

Vakolosa 3:17

Kutani xin'wana ni xin'wana lexi mixiyendlaka, hi kuvulavula kumbe hi kutirha, xiyendleni hi vito ra Hosi Yesu, na mili karhi mikhensa Xikwembu Tatana ha yena.

Vafilipiya 2:17

Hambi loko nifanela kutlhantekela vutomi bza mina henhla ka mhamba ya n'wina ya kupfumela, leyi migandzelaka Xikwembu ha yona, nitsakile ni kutlangela svin'we na n'wina hinkwenu.

1 Petro 4:11

Loko mun'wana anyikiwile kuvulavula, aavulavule hi kulandza marito ya Xikwembu; loko mun'wana anyikiwile kutirhela vanhu, aasviyendle kufana ni lweyi asvitirhaka hi matimba lawa Xikwembu ximunyikaka wona, lesvaku ka svilo hinkwasvu Xikwembu xidzunisiwa ha Yesu Kriste. Kudzuneka ni matimba svi le ka xona hilaha kungaheliki. Amen.

Vafilipiya 1:11

vutomi bza n'wina bzitatala hi mihandzu ya lesvolulama, leyitisiwaka ha Yesu Kriste, lesvaku Xikwembu xidzunisiwa ni kutwalisiwa ha yona.

Vagalatiya 6:10

Hikolaho, minkama hinkwayu loko svikoteka, ahiyendleleni vanhu hinkwavu lesvinene, ngopfungopfu va njangu wa lavapfumeleke.

1 Petro 4:17

Hikuva nkama wufikile wa kuyavanyisiwa lokungatasungula hi va yindlo ya Xikwembu. Kutani, loko kusungula hi hina, xana makumu ya lavangayingisiki Evhangeli ya Xikwembu matava lawa yoyini ke?