1 Petro 2:12 - Testamente Leyimpsha Xichangana

¹² Hanyani hi mukhuva lowolulama xikarhi ka vamatiko, lesvaku loko vatshuka vamilumbeta, vaku mivajohi, vatavona mintirho ya n'wina leyosaseka, vadzunisa Xikwembu, hi siku leri xingatata ha rona.

BIBELE Mahungu Lamanene

¹² Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

Xitsonga (Bibele)

¹² mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

1 Petro 2:12 Referans Kwoze

1 Petro 3:16

kambe misviyendla hi moya wa kutenga. Nasvona, mitshama na mili ni ripfalu leribaseke, lesvaku loko mihembeliwa, lavasandzaka mahanyela ya n'wina layolulama ka kriste, vatakhomiwa hi tingana.

Matewu 5:16

Kuvonakala ka n'wina akuvoningele vanhu hi mukhuva wolowo, lesvaku vatavona mintirho ya n'wina leyosaseka, vadzunisa Tatana wa n'wina lweyi anga matilweni.

2 Vakorinto 8:21

Hinavela kuyendla lesvisasekeke kungali mahlweni ka Hosi ntsena, kambe ni le mahlweni ka vanhu.

1 Vatesalonika 4:12

Hi mukhuva lowu, mitaxiximiwa hi va le handle, mingahatikiseli munhu ni mun'we.

1 Timotiya 4:12

Kungavi ni lweyi achipisaka vumpsha bza wena, kambe vana xikombiso xikarhi ka vapfumeli hi mavulavulela ni mahanyela ya wena, hi rirhandzu ni kupfumela ni kutenga.

Yakobo 3:13

Xikarhi ka n'wina i mani lweyi atlhariheke, lweyi anga ni vutivi xana? Aakombise mintirho ya yena hi mahanyela lamanene, lawa manga ni vutlhari ni kutitsongahata.

Vafilipiya 1:27

Ntsena, mahanyela ya n'wina mafanela kufambelana ni Evhangeli ya Kriste, lesvaku hambi ni ta nitatamivona, hambi ni ngati, nitatwa lesvaku mahayimile na mitiyile moyeni wun'we, milwa svin'we hi mbilu yin'we, milwela kupfumela loku kutisiwaka hi Evhangeli.

2 Vakorinto 1:12

Kutidzunisa ka hina hi loku: Ripfalu ra hina rihibzela lesvaku hihanyile xikarhi ka vanhu hi kululama ni kutenga loku kuhumaka ka Xikwembu, ngopfungopfu loko hitirhisana na n'wina. Hihanyile kungali hi vutlhari bza misava leyi, kambe hi timpsalu ta Xikwembu.

2 Petro 3:11

Lesvi kungatapsha svilo lesvi hinkwasvu svihela hi ndlela leyi, mifanele kuva ni vutomi lebzohlawuleka bza vukhongeli,

Varhoma 13:13

Ahifambeni kuvonakeleni, kufana ni vanhu lavafambaka ninhlekanhi, kungali hi minkhuvu ni kupopsa, kungali hi lesvobiha ni vunghwavana, kungali hi kuholova ni vukwele;

Varhoma 12:17

Mingarihiseleni svobiha hi lesvobiha. Ringetani kuyendla lesvinene ka vanhu hinkwavu.

Vaheveru 13:18

Hikhongeleleni, hikuva hitshemba svinene lesvaku hi ni ripfalu leritengeke, na hili karhi hinavela kuyendla lesvilulameke minkarhi hinkwayu.

1 Timotiya 2:2

sviyendleliwa ni tihosi ni hinkwavu lavanga svitshan'wini sva le henhla, lesvaku hikota kuhanya vutomi bza kurhula ni kutsaka, lebzinga bza vukhongeli ni lebzi bzixiximekaka hi matlhelo hinkwawu.

Vafilipiya 4:8

Kuheteleleni vamakwerhu, hinkwasvu lesvinga ntiyiso, hinkwasvu lesvichavisekaka, hinkwasvu lesvilulameke, hinkwasvu lesvibaseke, hinkwasvu lesvitsakisaka, hinkwasvu lesvikhensekaka, ni loko kuli ni svin'wana lesvinga ni vunene kumbe kudzuneka, svilo lesvi hinkwasvu, tshamani na mili karhi misviyanakanya.

Vaefesa 4:22

Hikolaho, tshikani mahanyela ya n'wina ya khale, mihlivila munhu wa khale lweyi aawonhiwa hi mhaka ya kunavela ka yena loku kukanganyisaka.

Vaheveru 13:5

Mingafumiweni hi male kuhanyeni ka n'wina kambe tsakani hi lesvi minga na svona, hikuva Xikwembu xite: “Ningakala ningakutshiki, kumbe kukucukumeta, ni siku ni rin'we.”

Varhoma 15:9

ni lesvaku vamatiko vatakota kudzunisa Xikwembu hikolaho ka timpsalu ta xona, hilaha svitsaliweke hakona aku: “Hikolaho, nitakudzunisa xikarhi ka vamatiko, nitayimbelela nitwalisa vito ra wena.”

Luka 19:44

vatakuhahlula, vahelisa ni lava vayakeke ka wena; kutani valala vangakala vangatshiki ribze henhla ka ribze laha ka wena, hikuva awutivanga nkarhi lowu uyendzeliweke ha wona.”

Matewu 10:25

Sviringene loko mujondzisiwa angahundzuka lweyi afanaka ni mujondzisi wa yena, ni loko xikarawa xingahundzuka lexi xifanaka ni n'winyi wa xona. Loko n'winyi wa njangu vamuchulile lesvaku i Belzebule, ka va njangu wa yena svitatlula mpimo.

Matewu 5:11

“Mikatekile loko vamirhuketela, loko vamixanisa ni kumilumbeta hi mavunhwa lawa yotala hikolaho ka mina.

1 Petro 4:11

Loko mun'wana anyikiwile kuvulavula, aavulavule hi kulandza marito ya Xikwembu; loko mun'wana anyikiwile kutirhela vanhu, aasviyendle kufana ni lweyi asvitirhaka hi matimba lawa Xikwembu ximunyikaka wona, lesvaku ka svilo hinkwasvu Xikwembu xidzunisiwa ha Yesu Kriste. Kudzuneka ni matimba svi le ka xona hilaha kungaheliki. Amen.

Vaefesa 2:3

Na hina hinkwerhu khale ahifana na vona, hihanya hi kunavela ka nyama ya hina ya laha misaveni, hiyendla hinkwasvu lesvitsakisaka miri ni kuyehleketa ka hina; kutani na hina, hi kutumbuluka, ahifaneliwile hi vukarhi bza Xikwembu, kufana ni vanhu van'wana.

2 Vakorinto 13:7

Hikhongela Xikwembu lesvaku mingayendli xobiha ni xin'we; nkongometo, ahikukomba lesvaku hina hasvikota svosvo, kambe i kukomba lesvaku n'wina masvikota, hambi loko hina hingavonaka na hili vatsandzeki.

1 Vakorinto 14:25

svihundla sva mbilu ya yena svitahumelela rivaleni, kutani atawa hi mombo, agandzela Xikwembu, kutani atavula aku: “Hakunene Xikwembu xi kona la xikarhi ka n'wina.”

Timhaka 24:13

Nasvona avakoti kuhumesa vumboni bza timhaka leti vanimangalelaka ha tona svosvi.

Timhaka 15:14

Simoni wa ha kuhlamusela hilaha Xikwembu xingasungula kutikarhata hakona, xitilavela, xikarhi ka vamatiko, vanhu lavangatahlayiwa va xona hakunene.”

Luka 6:22

“Mikatekile loko vanhu vamivenga, loko vamihlongola ni kumirhuketela, ni loko vasola vito ra n'wina onge hi loko ribihile, hikolaho ka N'wana-wa-Munhu.”

Luka 1:68

“Akudzunisiwe Hosi, Xikwembu xa Israyele, hikuva xiyendzelile tiko ra xona, xili kutsulile;

Matewu 9:8

Loko xitshungu xivona svosvo, xikhomiwa hi kuchava, kutani xitwalisa Xikwembu lexinganyika matimba lawa yotanu ka vanhu.

Timhaka 25:7

Loko afikile, Vayuda lavahumaka Yerusalema vamurhendzela, kutani vamulumbeta hi milandzu leyinyingi, leyochavisa, leyi vatsandzekaka ni kuhumesa vumboni bza yona.

Yohane 13:31

Loko Yudasi ahumile, Yesu aku: “Svosvi N'wana-wa-Munhu adzunisiwile, na xona Xikwembu xidzunisiwile ka yena

Timhaka 28:22

Kutani hifanele kutwa miyanakanyu ka wena uyivula hi nomo wa wena, hikuva loko yili jondzo leyi yohambuka, hayitiva lesvaku ya yaliwa hinkwaku.”

Varhoma 14:18

Lweyi atirhelaka Kriste hi mukhuva wolowo, atsakisa Xikwembu, nasvona akhensiwa hi vanhu.

1 Timotiya 5:10

nakona afanele kuva ni vumboni lebzitwalaka hi tlhelo ra mintirho leyinene ya yena, kufana ni kuwundla vana hi ndlela yakona, ni kutsakela vayendzi, ni kuhlampsa milenge ya vahlawuliwa va Xikwembu, ni kupfuna lava vaxanisekaka, ni kutshama na ali karhi ayendla lesvinene hi matlhelo hinkwawu.

1 Petro 2:15

Hikuva i kurhandza ka Xikwembu lesvaku, hi kuyendla lesvolulama, mitamiyeta lavangativiki nchumu, hi mhaka ya vuphukuphuku bza vona.