1 Petro 1:8 - Testamente Leyimpsha Xichangana

⁸ Ni loko mingasimuvona, mamu rhandza; hambi ni svosvi mingamuvoniki, mapfumela ka yena, kutani mitsaka hi kutsaka loku kuhlamalisaka, lokungahlayekiki,

BIBELE Mahungu Lamanene

⁸ Ni loko mi nga si n'wi vona, ma n'wi rhandza; hambi ni sweswi mi nga n'wi voniki, ma pfumela eka yena, kutani mi tsaka hi ku tsaka loku hlamarisaka, loku nga vulekiki,

Xitsonga (Bibele)

⁸ loyi mi n'wi rhandzaka hambi mi nga n'wi vonanga, loyi mi tsakaka ha yena hi ku tsaka loku nga vulekiki, loku kwetsimaka, hambi mi nga si n'wi vona ku ta fika sweswi, kambe mi endla hi ku pfumela;

1 Petro 1:8 Referans Kwoze

Yohane 20:29

Yesu aku ka yena: “Xana upfumela hi lesvi unganivona ke? Vakatekile lava vapfumelaka, hambi loko vangavonanga.”

2 Vakorinto 5:7

Hihanya hi kupfumela, kungali hi kusvivona,

Varhoma 15:13

Ingi Xikwembu lexi kulangutela kuhumaka ka xona xingamitata hi kutsaka hinkwaku ni kurhula hinkwaku kupfumeleni, lesvaku, hi matimba ya Moya Lowokwetsima, kulangutela kumitalela, kuva kuhalakela.

Vaheveru 11:1

Kutani-ke, kupfumela i kutshemba lokutiyeke henhla ka svilo lesvilanguteliwaka, ni kukholwa svinene hi tlhelo ra svilo lesvingavoniwiki.

Yohane 16:22

Svitano na n'wina: Mitwa kuvaviseka svosvi, kambe nitatlhela nimivona, kutani timbilu ta n'wina titatsaka, kutani aku na munhu lweyi angatamitekela kutsaka ka n'wina.

2 Vakorinto 4:18

Kutani hikongomisa mahlo ya hina kungali ka lesvivoniwaka, kambe ka lesvingavoniwiki; hikuva lesvivoniwaka i sva nkamanyana ntsena, kasi lesvi svingavoniwiki i sva minkama hinkwayu.

1 Petro 1:6

Mhaka leyi yamitsakisa, hambi loko svosvi mahafanela kutwa kuvava nkarhinyana, hikolaho ka miringo ya tinxakaxaka.

Vaheveru 11:27

Hi kupfumela, Moxe asukile tikweni ra Gibita na angachavi vukarhi bza hosi, hikuva atiyiselile ingi hi loko ali karhi avona lweyi angavoniwiki.

1 Petro 2:7

Hikolaho, ka n'wina mipfumelaka, i ra risima, kambe ka lavangapfumeliki, “Ribze leri vayaki vangarinyenya, hi rona ringayendliwa ribze lerikulu ra yinhla.”

Vafilipiya 4:4

Titsakeleni Hosini masiku hinkwawu; nitlhela nivulisa svosvo, nili: Titsakeleni!

1 Petro 5:4

Kutani siku leri murisi lwenkulu angatahumelela, mitakuma hari leyo ya kudzuneka, leyingaliki na kuwonheka.

Vaefesa 6:24

Timpsalu ative ni hinkwavu lavarhandzaka Hosi ya hina Yesu Kriste hi rirhandzu leringawonhakiki!

Vafilipiya 1:25

Hi kukholwa svinene mhaka leyi, nitiva lesvaku nitaxwa na n'wina ni kuheta masiku na nili na n'wina hinkwenu, lesvaku nimipfuna kuya mahlweni na mili karhi mitsaka kupfumeleni.

Varhoma 14:17

Hikuva Mfumu wa Xikwembu ahi kuja, ahi kunwa; kambe i kululama ni kurhula ni kutsaka, hi matimba ya Moya Lowokwetsima.

Yohane 14:24

Lweyi anganirhandziki, angahlayisi marito ya mina; kutani rito leri miritwaka, ahi ra mina, kambe i ra Tatana lweyi anirhumeke.

Yohane 8:42

Yesu aku ka vona: “Loko Xikwembu axili tatana wa n'wina, amitanirhandza, hikuva mina nihumile, nasvona nita hi ka Xikwembu; anititisanga, kambe nirhumiwile hi yena.

Vafilipiya 3:3

hikuva hi hina hingayamukela kuyimba ka xiviri, hina lava higandzelaka Xikwembu hi Moya wa xona, hina lavatidzunisaka ha Yesu Kriste, hingavekiki kutshemba ka hina ka lesviyendliwaka hi vanhu ntsena.

Vagalatiya 5:22

Kasi mihandzu ya Moya i rirhandzu ni kutsaka ni kurhula ni kuleha mbilu ni vunene ni kunyika ni kutshembeka

Vagalatiya 5:6

Hikuva ka Yesu Kriste, kuyimba kumbe kuva munhu wokala angayimbanga, asvivuli nchumu, kambe lexinga xona i kupfumela loku kutirhaka hi rirhandzu.

2 Vakorinto 12:4

atlakuleliwile Paradiseni, atwa marito lamangahlayekiki, lawa munhu angapfumeleliwiki kumahlaya.

2 Vakorinto 9:15

Akukhensiwe Xikwembu hikolaho ka nyiko ya xona, yinga nyiko leyi kupfumalekaka marito ya kuyihlamusela.

2 Vakorinto 1:22

Xihifungile, xivekile Moya wa xona timbilwini ta hina, wuva xitiyiso xa lesvi svahataka.

Timhaka 16:34

Ndzhaku ka svosvo, ayisa Pawulo na Silasi kaya ka yena, avaphamela svakuja, kutani atsaka svin'we ni va njangu wa yena hinkwavu, hi lesvi aapfumelile ka Xikwembu.

Yohane 14:21

Lweyi ayamukeleke milawu ya mina, kutani ayihlayisa, hi yena lweyi anirhandzaka; kutani lweyi anirhandzaka, atarhandziwa hi Tatana wa mina; na mina nitamurhandza, niva nitipfuletela ka yena”

Yohane 14:15

“Loko minirhandza, mitahlayisa milawu ya mina.

Matewu 10:37

Lweyi arhandzaka tatana wa yena kumbe mamana wa yena kutlula mina, asvimufaneli kuva wa mina; svitano ni lweyi arhandzaka n'wana wa yena waxinuna kumbe waxisati kutlula mina.

1 Vakorinto 16:22

Loko munhu angarhandzi Hosi, aave xirhukweni! “Maranatha! Tana, Hosi!”

Vaefesa 3:19

Mawaku loko ingi mingativa rirhandzu ra yena, hambi loko svingayendleki kuritiva hi kuhetiseka kutani, mitatala hi vukona bza Xikwembu matlelo hinkwawu.