1 Petro 1:4 - Testamente Leyimpsha Xichangana

⁴ ni lesvaku hinyikiwa ndzhaka leyingaboliki, leyinganyamisiwangiki, leyingavuniki. Mivekeliwile yona matilweni,

BIBELE Mahungu Lamanene

⁴ ni leswaku hi nyikiwa ndzhaka leyi nga boriki, leyi nga nyamisiwangiki, leyi nga vuniki. Mi vekeriwile yona ematilweni,

Xitsonga (Bibele)

⁴ hi ta nyikiwa ndzhaka leyi nga boriki, leyi nga nyamisiwiki, yi nga vuniki, leyi hlayiseriweke hina ematilweni,

1 Petro 1:4 Referans Kwoze

Nhlavutelo 21:27

Kambe akungangheni xilo ni xin'we xa chaka kona, hambi ali lweyi ahanyaka hi sva manyala ni mavunhwa; kutanghena ntsena lava mavito ya vona matsaliweke bukwini ya vutomi ya Xinyempfana.

Vaheveru 9:15

Hikolaho, hi yena muyimeli wa papela lerimpsha ra ndzhaka, lesvaku lavavitaniweke, vatakota kuyamukela ndzhaka leyingaheliki leyi vatshembisiweke yona; hikuva kuhumelele rifu leri rivakutsulaka minandzweni leyi avali na yona, hansi ka ntwananu loworhanga.

1 Petro 5:4

Kutani siku leri murisi lwenkulu angatahumelela, mitakuma hari leyo ya kudzuneka, leyingaliki na kuwonheka.

2 Timotiya 4:8

Lesvisaleke hi lesvaku hari ya vahluli yinirindzelile, kunga kululama loku Hosi, muyavanyisi lweyi wolulama, yingataninyika hi siku lerikulu; kutani ayinganyiki mina ntsena, kambe yitanyika ni hinkwavu lavatsakeleke kuhumelela ka yona.

Vakolosa 1:5

hikolaho ka kulangutela loku kuhlayiseliweke n'wina matilweni. Kutshemba loku, mirhange mikutwa ritweni ra ntiyiso, yinga Evhangeli,

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

Vaefesa 1:18

na mahlo ya timbilu ta n'wina mavoningiwile, mitativa lesvaku kulangutela loku ximivitanelaka kona hi loku koyini, ni lesvaku kutala ka ndzhaka ya xona leyosaseka ngopfu leyitshembisiwaka vahlawuliwa va xona, hi leyoyini,

Vaefesa 1:14

Moya lowu i xitshembiso xa ndzhaka ya hina leyi hingatayikuma, leyi Xikwembu xinyikaka kutshunxeka loku kuhetisekeke ka lavanga va xona, kuyendlela lesvaku vadzunisa kutwala ka xona.

Vaefesa 1:11

Hakunene Xikwembu xiyendla hinkwasvu hilaha xirhandzaka hakona ni hilaha xipimaka hakona, kutani xihlawule hina Vayuda kuva vamajandzhaka va xona ka Kriste, hi kutilulamisela ka xona ka khale,

Varhoma 8:17

Loko hili vana, svivula lesvaku hi vinyi va ndzhaka ya Xikwembu, nivaji va ndzhaka svin'we na Kriste; lesvi kunene hixanisekaka na yena, svivula lesvaku hitakwetsimisiwa na yena.

Timhaka 26:18

utapfula mahlo ya vona lesvaku vahuma munyameni, vanghena kuvonakaleni, ni lesvaku vahuma kufumeni ka Sathana vanghena ka Xikwembu; loko vapfumela ka mina, vatakuma kurivaleliwa ka svijoho, kutani vatayaveliwa ndzhaka xikarhi ka vahlawuliwa va Xikwembu.’

Timhaka 20:32

“Kutani na minyiketa svosvi ka Xikwembu, ni ka rito ra timpsalu ta xona, lerikotaka kumiyakisa ni kuminyika rifuwo xikarhi ka hinkwavu lava xitihlawuleleke vona.

Yakobo 1:11

Jambu rihuma na rili ni kuhisa ka rona, rivunisa bzanyi; sviluva sviwela hansi, ni kusaseka ka svona kawonheka. Hi mukhuva wolowo, mufuwi na yena atavuna ahelisiwa, na ali karhi alandzelela svilo sva yena.

Vakolosa 1:12

Nasvona, khensani Tatana, lweyi ayendleke lesvaku na n'wina miyaveliwa ndzhaka ya vahlawuliwa, kufumeni ka kuvonakala.

Vagalatiya 3:18

Hikuva loko ndzhaka yinyikiwa hi mhaka yohlayisa Nawu, ayahanyikiwi hikolaho ka xitshembiso; kasi Xikwembu xinyikile Abrahamu ndzhaka hi xitshembiso ntsena.

1 Vakorinto 9:25

Hinkwavu lavaphikizanaka mintlangwini, vatikhoma hi matlhelo hinkwawu. Vayendla svosvo lesvaku vatakuma hari leyiwonhekaka; kambe hina hilava leyi yingawonhekiki.

1 Petro 3:9

Mingatlheliseleni vubihi hi vubihi, kumbe kurhuka hi kurhuka, kambe matshan'wini ya svosvo, katekisani, hikuva hi lesvi mingavitaneliwa kuyendla svona, lesvaku mitakuma nkateko na n'wina.

Marka 10:17

Kuteloko Yesu ahumile ni kukhoma ndlela, munhu mun'wana ata ka yena hi kutsutsuma, afika awa, akhinsama mahlweni ka yena, amuvutisa aku: “Mujondzisi lwenene, ningayendla yini lesvaku nitaja rifuwo ra vutomi lebzingaheliki?”

Vakolosa 3:24

hikuva masvitiva lesvaku mitanyikiwa rifuwo hi Hosi, yili hakelo ya n'wina. Mi le kutirheleni ka Hosi ya hina Kriste.

Vaheveru 10:34

Mikombile timpsalu ka lava vapfaleliweke jele; nasvona misvitekile hi moya wa kutsaka loko svilo sva n'wina sviphangiwa, hikuva amitiva lesvaku mi ni rifuwo leritlulaka svosvo, leringatava kona hilaha kungaheliki.