Mattiu 9:27 - Nongan Hiyan

²⁷ Pwen Yesu iro tokai iropo iya, pe hilu ndramat malmou mara hilu iyoh, ara hilho ndruwan, pe hilu yoh, hilpa, “Noru Tepit, koyum kisikirani youlu.”

Mattiu 9:27 Referans Kwoze

Mattiu 15:22

Pe pihi Kenaan hamou para kol ara, ara isa kili yiy pe iwayeh, ipa, “Yapan, Noru Tepit, koyum kisikirani yo! Noru pihin, ara payit ikohis ita ndritan pe ngara kipwalngani yiy.”

Mattiu 11:5

Yihu mepo marahu iyoh, ara hunimnim. Pe yihu mepo ndrikahu mwomwan, ara hu topo rokai. Pe yihu mepo mwamwa kawa iro kili hu, ara huya howen. Pe yihu mepo ndraingahu iyui, ara ndraingahu ileu. Pe yihu mepo humat, ara hutine paiwe. Pe yihu mepo hundroisiy, ara huhulingi nongan hiyan.

Mattiu 17:15

Pe ipa, “Yapan, koyum kisikirani noru kamai. Yiy ngara kilohori yiy, pe ngara kiya nondriya ngandran namandran iya. Pe lang hitun ngara kiyos kiya nondriya mwan ndre kiya nondriya ndran.

Luk 7:21

Iro mwonen lang ara, Yesu isopwoyani hu ndramat mepo neken handra-handra ilopwa hu, pe mwamwa handra-handra iro kili hu, pe irapiyani hu payit soyon iya huro ndritahu huya mawen. Pe isopwi hu ndramat soyon marahu iyoh, ara hunimnim.

Mak 11:10

Ngindrai kitoholi king torou mahapo nakisa; yiy ara ndraye tamarou Tepit. Hosanna, kahari ngala Ngindrai iyera paingan masih!”

Mak 9:22

Lang hitun kinna ngara kipiyani yiy kiya mwan pe ndran kene, pe pakitingundrun kimat. Hapeko kapa alahiy para amwaniyani yiy, pwen koyum kisikirani youlu pe asopwat youlu.”

Mattiu 21:9

Pe hu ndramat soyon mepo huho mu kili yiy, pe hu hiyeh huho ndruwan, ara huwayeh, hupa, “Hosanna, kahari ngala Noru Tepit!” “Lomwes ita kili yiy mepo isa iya ngala Yapan!” “Hosanna, kahari ngala Ngindrai iyera paingan masih!”

Mattiu 1:1

Aro, ara ndromwoya ndraye Yesu Kristus. Yiy, ara iyau ndraye Tepit, pe Tepit, ara iyau ndraye Apraham.

Mattiu 21:15

Hapeko hu pris huhohin ta hu pris masih, pe hu ndramat para hinuwani nongan para pwahanou, ara hunime hu kinima pwoke mepo imbusiy. Pe hunime hu mbunah, ara huro wayeh iro nondriya kowa yumwa totohun namandran, huro pa, “Hosanna, kahari ngala Noru Tepit,” pwen hu pris huhohin ta hu pris masih, pe hu ndramat para hinuwani nongan para pwahanou, ara hundrangis.

Luk 20:41

Pwen Yesu ipwai iya kili hu, ipa, “Paratesah, pe hu ndramat ngara hu kapa tehe Kristus, ara noru Tepit?

Luk 17:13

Pe huyoh namandran iya, hupa, “Yesu! Namandran! Koyum kisikirani yowu!”

Mattiu 9:28

Pe Yesu kinna nondriya seu, pwen hilu ndramat malmou mepo mara hilu iyoh ara, ara hilsa kili yiy. Pe isok hilu, ipa, “Walu pwotisingi lohonga walu tehe ulahiy para kumbusi melit iye, ndre pwi?” Pe hilu somwi yiy, hilpa, “Ehe, Yapan.”

Mattiu 20:29

Pe iro mwonen Yesu iyapolo ndramiran hu, ara hu nakatali Yeriko, hu ndramat soyon iya huho ndruwan.