Mattiu 8:16 - Nongan Hiyan

¹⁶ Pwen kol iro piyah pe huwiri hu ndramat soyon mepo hu payit huro ndritahu, ara husa kili Yesu. Pe irasses hu payit huyau iya nongan handra kopu, pe isopwoyani hu ndramat masih mepo humwa.

Mattiu 8:16 Referans Kwoze

Luk 4:40

Iro mwonen paramwandrai nakiya lai, pwen hu ndramat huwiri hu mepo mwamwa handra-handra iro kili hu, ara husa kili Yesu. Pe iyki niman iya ndrita hamou-hamou tahu, pe isopwoyani hu pe hungoh.

Mattiu 14:14

Pwen Yesu ituh ndroi iya pwan, pe inime hu ndramat soyon iya, hu kansa mbultere hu huro. Pe koyun ara isikirani hu pe isopwoyani hu tahu mepo humwa.

Aposel 5:15

Pe ariya ko pwi, huro sap hu ndramat humwa husa ngawan pe humwaniyani hu huro ndrita hu yokyok pe hu sou huye sai. Pe hupa ndre sumwoiwa Pita andre kihis kiya ndrita hu hayah tahu kiro mwonen kisayau, pe andre hu karayah hiyan.

Mak 5:8

Iwayeh toro, paratesah, Yesu kinpwai kinna kili yiy, ipa, “Wou payit mwomwan, asa mawen kili ndramat ara.”

Mattiu 12:22

Pwen huwiri ndramat hamou payit iro ndritan, mepo pohon imum pe maran iyoh. Pe Yesu isopwoyani ndramat ara iya hiyan, pe ilahiy para kiwong pe kinimnim.

Mak 2:3

Pwen hu ndramat hayah husa kili Yesu, iyapolo hu mahaamou mepo huhuri ndramat hamou mandran imat.

Mattiu 9:2

Pe hu ndramat hayah husap ndramat hamou iye matin ndrita pasup, mandran, ara imat. Pe iro mwonen inime lohongahu ndrisiyon, pwen ipwai iya kili ndramat mepo mandran imat ara, ipa, “Noru, ndriyam kipwoke; kuntali hu pakut mwomwan atam.”

Mak 9:25

Pwen Yesu inime hu ndramat soyon huro ngap husa pakeh kili hu, pwen ipomate payit ara, pe ipwai iya kili yiy, ipa, “Wou payit para pohomum pe ndrainga pwi, upwandrandrahaniy isa kili wou, atali yiy aya mawen, pe mbuna amui asa ndritan paiwe.”

Mattiu 8:33

Pwen hu ndramat para hangna puw ara, ara huwop huya nondriya kol ngawan, pe huya tiyani melit masih kintayah, pe tesah kintayah kili hilu ndramat malmou mepo payit iro ndrita hilu ara.

Mattiu 8:15

Pwen Yesu iyki niman iyahatek iya niman opu, pe mandran mepo iro ngandrah, ara ingoh. Pwen itine pe ipo mbulyan.

Luk 4:41

Pe hu payit husa mawen kili hu ndramat soyon iya, pe hu payit huro wayeh, huro pa, “Wou ara Noru Ngindrai!” Hapeko ipomate hu, pe isiyi pohohu para hu mbuna kawong, paratesah, tanahu tehe yiy ara Kristus.

Luk 13:12

Pwen Yesu inime yiy, pe iyoh pihin ara isa kili yiy, pe ipa, “Nam, nopwaran tam kinnau, pe aningoh.”