Mattiu 21:19 - Nongan Hiyan

¹⁹ Pe inime kei pik hakou iro ngilse sai, pe iya pakeh aliy, hapeko kinnime mbuwan pwi, yowin opu iro aliy. Pwen Yesu ipwai iya kili kei ara, ipa, “Wou andre anippwai paiwe pwi!” Pe hape pwi ko, kei ara imang.

Mattiu 21:19 Referans Kwoze

Titus 1:16

Pohohu ngara hu kapwai tehe hupahasani Ngindrai, hapeko kultuwayihu, ara kinpwainganiy pwi. Yihu ara kahamondrokarai, pe hu ngara kandrihisani nongan pe hu kanlahiy para hu kambusi kultuw handra hiyan pwi masih.

Luk 3:9

Pe semen kapereu, ara kinna pwen ita ndroiyi kei yi, pe hu kei masih mepo hu konhoppwai hiyan pwi, ara andre katihihu kaya pwan pe kapiyani hu kaya nondriya mwan.”

Mak 11:14

Pwen Yesu ipwai iya kili kei ara, ipa, “Kiro matne mahapo kiya, ndramat hamou andre kinyan sangim paiwe pwi.” Pe ndramiran hu huhulingi nongan ipwai ara.

Mattiu 21:20

Pwen iro mwonen ndramiran hu hunimei, ara huro lohonge ndrit. Pwen pe husok, hupa, “Tehen tapeh pe kei pik ara, hape pwi ko imang?”

Mak 11:20

Pwen iya ndroulang para aliy, huro tokai sai huya, pe hunimei tehe kei pik mepo Yesu iten anan ara, ara kinimang pwen te wiyin iya, ipoo ita ngondron.