Mattiu 21:10 - Nongan Hiyan

¹⁰ Pe iro mwonen Yesu isong iya nondriya Yerusalem, yihu ndramat masih kene para kol namandran ara, ara pwesai namandran iya iwiri hu, pe huro sok, hupa, “Aripo hiyeh?”

Mattiu 21:10 Referans Kwoze

Aposel 9:5

Pe Sol ipa, “Yapan, wou hiyeh?” Pe isomwiy, ipa, “Yo ara Yesu mepo ata tandroyani yo.

Luk 9:9

Hapeko Herot ipa, “Yo kunsondriti koyu Yohanes pwen. Pe aripo sehe ndramat ndrokonan, urupo hilingi hu melit iripo mbusiy aro yeh?” Pe iro hinonou para pakinime Yesu.

Luk 7:49

Pwen pe yihu ndramat mepo huye roh pe huyewule ngilse keyau ara, ara huro panguluwaniy mwalingahu, hupa, “Yiy hiyeh, mepo ita tali hu pakut mwomwan?”

Luk 5:21

Hu Parisiy pe hu ndramat para hinuwani nongan para pwahanou, ara huro lohonge pe huro panguluwaniy mwalingahu, huro pa, “Aro sehe ndramat mepo ita pwasisiman ana Ngindrai aro? Kinlahi ndramat hamou kitali hu pakut mwomwan ata ndramat hamou ara pwi; Ngindrai opu ilahiy.”

Luk 20:2

Pe hupwai iya kili yiy, hupa, “Wou awiri pwoke nopwaran ara, iyau aleheh? Pe hiyeh iyki pwoke nopwaran ara, isa kili wou?”

Mattiu 2:3

Pe iro mwonen king Herot ihilong nongan aro, pwen lohongan ara ikairut, iyapolo yihu para Yerusalem masih i.

Mattiu 21:9

Pe hu ndramat soyon mepo huho mu kili yiy, pe hu hiyeh huho ndruwan, ara huwayeh, hupa, “Hosanna, kahari ngala Noru Tepit!” “Lomwes ita kili yiy mepo isa iya ngala Yapan!” “Hosanna, kahari ngala Ngindrai iyera paingan masih!”

Mattiu 21:11

Pe hu ndramat soyon ara, ara husomwi hu, hupa, “Aripo, ara Yesu, yiy ara poropet para kol ngawan Nasaret ita nondriya kol Kaliliy.”