Mattiu 16:1 - Nongan Hiyan

¹ Hu Parisiy pe hu Satyusiy husa kili Yesu, para hu pakanohonou yiy, pe husok yiy para kipwaingani kaipisa pwoke handra kiyau kol paingan yang kiya kili hu.

Mattiu 16:1 Referans Kwoze

Luk 11:16

Pe hayah tahu ara hu pakanohonou yiy, pe huro sok yiy para kipwaingani kaipisa pwoke handra kiyau kol paingan yang.

Aposel 4:1

Pita hilu Yohanes ara hiluro wong iya kili hu ndramat manau, pe hu pris, pe ndramat mepo yiy namandran tahu makundrayin para yumwa totohun namandran, pe iyasura hu Satyusiy ara husa kili hilu.

Mattiu 16:6

Pe Yesu ipwai iya kili hu, ipa, “Mara wawu kiro. Akoro rapapahan kiya yis tahu Parisiy pe Satyusiy.”

Aposel 5:17

Pwen pe pris ihohin ta hu pris masih kene, iyapolo susuran hu, hu mepo para kili hu Satyusiy, ara humaimai pe hundrangis anahu.

Luk 20:27

Yihu Satyusiy hayah husa kili Yesu para hu kasok yiy kiya soksok sahin. Yihu Satyusiy masih, ara hupa ndre hu ndramat humat andre hu kansa tine paiwe pwi.

Luk 20:23

Hapeko Yesu kinyirowe pwakekeriu tahu pwen, pe ipwai iya kili hu ipa,

Luk 10:25

Porosih aro, ndramat hamou ipahas iya nongan para pwahanou ara itine para pakinohonou lohonga Yesu, pe isok yiy, ipa, “Ndramat para hinonou, yo andre kumbusi tesah para kuwiri taleh mepo andre kinto-kinto?”

Mak 12:18

Pwen hu Satyusiy hayah husa kili Yesu. Yihu Satyusiy ara, ngara hu kapa tehe ndramat kanmat ara kanlahiy para hu katine paiwe pwi.

Mak 12:15

Tehen tapeh, yowu kayuk ndre konan?” Hapeko Yesu ara kinpahasaniy tehe yihu ara ndramat para pwandrandraman. Pwen isok hu, ipa, “Paratapeh wawu pakaratuni yo? Akawiri sombule pat hambut kisa pe kunimei na.”

Mak 10:2

Hu Parisiy hayah husa kili Yesu pe hu hunohonou Yesu iya nongan sahin. Pe husike yiy, hupa, “Nongan para pwahanou ta Ngindrai ipa hiyan para kamai hamou kitali nambuyun?”

Mattiu 27:62

Pwen Lang Para Ponokule Sapat ihipwen, pe iya lang sih i, hu pris huhohin ta hu pris masih kene pe hu Parisiy, ara huya kili Pailat.

Mattiu 23:2

“Yihu ndramat para hinuwani nongan para pwahanou pe hu Parisiy, ara ngara hu kahanuwani wawu iya tesah mepo Mose kintatuluwiy.

Mattiu 22:23

Iho nondriya lang ara ko, hu Satyusiy, mepo hupa ndre hu ndramat kanmat pwen, ara andre hu kantine paiwe pwi, ara husa kili Yesu iyapolo soksok sahin.

Mattiu 22:18

Hapeko Yesu ara kinyirowe lohongai para pwakekeriu mwomwan tahu, pe ipa, “Wawu ndramat para pwandrandraman, paratapeh pe wawu pakanohonou para karatuni yo?

Mattiu 22:15

Pwen hu Parisiy huya ngawan pe humburi nongan para hu karatuni Yesu kiya nongnan.

Mattiu 19:3

Pwen hu Parisiy hayah husa kili yiy para kanohonou yiy. Pwen husok, hupa, “Nongan para pwahanou ta Ngindrai, ara ipa hiyan para ndramat hamou kitali nambuyun kiya sehe lohongan?”

Mattiu 15:1

Pwen hu Parisiy hayah pe hu ndramat para hinuwani nongan para pwahanou, ara huyau Yerusalem, pe husa kili Yesu pe husok yiy, hupa,

Mattiu 12:14

Hapeko hu Parisiy, ara huya ngawan pe humburi nongan para katingundru Yesu.

Mattiu 9:11

Pe iro mwonen hu Parisiy hunimei tora, pwen husok hu ndramira Yesu, hupa, “Paratapeh pe ndramat para hinuwani wawu, ara iripo namnam iyasura hu ndramat para poya takis, pe hu ndramat pakut tahu mwomwan?”

Mattiu 5:20

Pwen tehen tora ko upwai isa kili wawu, kapa kultuwayi wawu imwonen kintamwaitini kultuwayi hu ndramat para hinuwani nongan para pwahanou pe hu Parisiy pwi, ara andre wawu kanlahiy para akaya nondriya kolo king para kol paingan yang pwi.