Mattiu 13:21 - Nongan Hiyan

²¹ Hapeko ngondron, ara kinsin hiyan pwi, pe kinto ndrangan niwen pwi. Pe tunan nongna Ngindrai, hu ndramat huiki nopwaran iya ndritan pe hu karandroyani yiy, pwen pe indrou pwi ko, lohongan ndrisiyon, ara itali yiy.

Mattiu 13:21 Referans Kwoze

Mattiu 11:6

Pe ndramat mepo ipwotisingi lohongan isa kili yo pe lohongan kinhindrundru pwi, ara lomwes kiro kili yiy.”

Luk 8:13

Pe tiken hulon huro ndrita pat perembun, ara tehe hu mepo huhulingi nongna Ngindrai pe huwiriy pe hupwesaniy. Hapeko yihu ara tehe hu peke wit mepo ngondrohu kansin pwi. Yihu pwotisingi lohongahu hape ko, pe kapa nohonou kisa, ara andre hu kayos.

Mak 4:17

Hapeko ngondrohu, ara kinsin pwi, pwen kinto ndrangan niwen pwi. Pe tunan nongna Ngindrai opu, pwen nopwaran andre kipwalngani hu, pwen pe indrou pwi ko, andre hu kayos.

Mattiu 26:33

Pe Pita isomwi yiy, ipa, “Konan kapa tunan wou, pe yihu masih kene aro hu kahandrundru, hapeko yo, andre kunhindrundru satam pwi.”

Mattiu 26:31

Pwen Yesu ipwai iya kili hu, ipa, “Nepo kiping, tunan yo ko, andre wawu masih kene kahandrundru pe akatali yo. Paratesah, pwayan kinpwai pwen, kinpa toro: ‘Andre kutingundru ndramat para pwokereya hu sipsip, pe andre hu sipsip kamasumbuwe.’

Mattiu 24:13

Hapeko sehe ndramat mepo kiro tine pwokeyan, kipoo kiya matne lang kiyahapwen, ara andre Ngindrai kisopwat yiy.

Mattiu 13:57

Pwen hu ndramat ara welehu imai tan. Hapeko Yesu ipwai iya kili hu, ipa, “Poropet hamou kapa kiro ndrohokolon ndre kiro sura yowen hu, ara andre hu kantanuhuyani yiy pwi.”

Mattiu 13:6

Hapeko iro mwonen mwandrai ingas, ara ngandraha mwandrai itimwi hu peke wit ara, pe huwayiu, paratesah, ngondrohu kansin hiyan pwi, pe humang.

Mattiu 10:22

Pe tunan yo kopu, pwen andre hu ndramat masih kahangasi wawu. Hapeko sehe ndramat kiro tine pwokeyan, kipoo lang nakiyahapwen, ara andre Ngindrai kisopwat yiy.

Mattiu 13:20

Hu peke wit mepo hulon huro pwan sosolou, ara tehe ndramat mepo ihilingi nongan, pe hape pwi ko ipwes iya aliy.