Mattiu 12:18 - Nongan Hiyan

¹⁸ “Iye ara ndramat para poya mbulyo mepo kuntakiniman. Yiy hiyeh ndriyo imbuluhi yiy pe upwes iyatan; pe andre kuiki Mwoiwo kiya ndritan, pe andre kipohowe nongan para tamwaniye kultuw imwonen, kiya kili hu ndraye ndramat masih.

Mattiu 12:18 Referans Kwoze

Luk 4:18

“Mwoiwa Yapan ara iripo ndrito, paratesah, kintakinimo pwen para kupohowe nongan hiyan kiya kili hu mepo hundroisiy. Yiy ipwandrisa yo usa, para kupwahara nongan kiya kili hu ndramat hu tora nondriya kou, para hu kasa ngawan, pe hu ndramat marahu iyoh ara hu kanimnim paiwe, pe hu hiyeh hutora nondriya nopwaran ara hu koro mwoimwoi.

Aposel 10:38

Ngindrai irakinima Yesu para Nasaret iya pwoke ta Mwoiwan Haiyan, pe iropo iya kol hakol-hakol, pe iro mbusi hiyan pe iro mwaniyani hu masih mepo huro pahandra pwoke ta Sinai. Paratesah, Ngindrai, ara iro sura yiy.

Aposel 14:27

Hilyarayah hilya ariya, pe hilu pwanos hu ndramira sios husa wule. Pe hilu tiyani melit masih kene mepo Ngindrai kinmbusiy pwen iyau kili hilu, pe hilu tiyaniy tehe Ngindrai itipe papai iya kili hu Ndramira Lah, para hu kasa pwotisingi lohongahu.

Aposel 11:18

Iro mwonen hu ndramat huhulingi nongna Pita, pwen lohongai para huro mwisnani Pita aro ihipwen. Pwen huhuri ngala Ngindrai, hupa, “Akanimei! Mahapo tukanyirowei tehe Ngindrai ipa hiyan para hu Ndramira Lah, ara andre karapaiwani lohongahu pe kawiri taleh i.”

Luk 23:35

Pe yihu ndramat ara huro tine pe huro nimei. Pe yihu yapane kol hupwasimiri yiy, hupa, “Yiy kinsopwat hu hayah, hapeko kinlahiy para kisopwat yiy mbukenan pwi, kapa ndrokonan tehe yiy Kristus ata Ngindrai, mepo Ngindrai kintakiniman pwen.”

Luk 9:35

Pwen ngasa mbulukoyu hamou iyau kokom isa, pe ipa, “Iye ara Noru, yiy mepo kuntakiniman para kipo mbulyo. Akahalingi yiy.”

Luk 3:22

pe Mwoiwan Haiyan isa pwan mwensen tehe nombuwe pai hamou, pe iya ndrita Yesu. Pe ngasa mbulukoyu hamou iyau kol paingan yang isa, ara ipa, “Wou ara Noru, pe ndriyo imbuluhi wou. Yo upwes satam namandran iya.”

Mak 9:7

Pwen kokom isa pe iramburuhi hu, pe yoholai sahin iyau nondriya kokom, ipa, “Iye, ara noru mepo ndriyo imbuluhi yiy. Wawu kahalingi yiy.”

Mak 1:11

Pwen ngasa mbulukoyu hamou iyau kol paingan yang isa, pe ipa, “Wou ara Noru, pe ndriyo imbuluhi wou. Yo upwes satam namandran iya.”

Mattiu 17:5

Pe iro wong manau pe kokom hasai nganan iya, ara isa pe iramburuhi hu. Pe yoholai sahin iyau kokom, ipa, “Iye ara Noru mepo ndriyo imbuluhi yiy; pe yo upwes iyatan namandran iya. Akahalingi yiy!”

Mattiu 12:17

Pe hu melit aro hurayah, ara para kimbusi nongna Poropet Yisayah kirayah mannan, ipa toro: