Mattiu 12:10 - Nongan Hiyan

¹⁰ pe ndramat hamou iro aliy, ara niman imat. Hu ndramat hayah huro ten sai para hu kaiki Yesu kiya nongan, pwen pe husok yiy, hupa, “Nonombun para kasopwoyani ndramat kiro nondriya lang Sapat, ndre pwi?”

Mattiu 12:10 Referans Kwoze

Luk 13:14

Pwen pohon para yumwa totohun ara ndrinan ilokuh, paratesah, Yesu isopwoyani pihin ara iro mwonen lang Sapat. Pwen ipwai iya kili hu ndramat, ipa, “Lang manonoh ara lenge mbulen, pwen wawu kasa pe kisopwoyani wawu kiho nondriya hu lang ara, hapeko kiro mwonen lang Sapat, ara pwi.”

Luk 11:54

para hu pakaratuni yiy para kipa hapesah, pwen pe hu kalahiy para hu kaiki yiy kiya nongan.

Mattiu 12:2

Pe iro mwonen hu Parisiy hunimei, pwen hupwai iya kili Yesu, hupa, “Animei! Ndramiram hu, ara humbusi melit mepo nonombun para kambusiy kiho nondriya lang Sapat.”

Luk 23:2

Pwen hurasusut nongan iya kili yiy, huro pa, “Yowu nime ndramat iye ara kinpaiwani kultuwayi hu ndramat para kolo yowu. Yiy isingori yowu para kasou takis kiya kili Sisar. Pe ipa yiy ara Kristus, tehe yiy king hamou.”

Luk 23:14

Pe ipwai iya kili hu, ipa, “Wawu wiri ndramat iye isa kili yo, ara tehe yiy hamou ndramat mepo ngara kisuhuri hu ndramat pe kipakarawani hu. Yo kunsok yiy pwen kinna hu melit masih ara, iro mbulmara wawu. Pe yo ukah ndroiyin ndrit, para kaiki koran kiya kili ndramat aro.

Luk 20:22

Pwen husok, hupa, “Hiyan para yowu kayuk takis kiya kili Sisar, ndre pwi?”

Mattiu 19:3

Pwen hu Parisiy hayah husa kili yiy para kanohonou yiy. Pwen husok, hupa, “Nongan para pwahanou ta Ngindrai, ara ipa hiyan para ndramat hamou kitali nambuyun kiya sehe lohongan?”

Mak 3:2

Hu ndramat hayah huro ten sai para hu kaiki Yesu kiya nongan. Pwen pe huro memerani yiy, paratesah, lohongahu hupa ndre kiya pe kirakultuwani nima ndramat ara, kiya hiyan kiho nondriya lang Sapat.