Mattiu 11:25 - Nongan Hiyan

²⁵ Pe iro mwonen lang ara, Yesu ipa, “Tomo, urawuloh isatam, Yapane kol paingan yang pe kol pwan, paratesah, wou ankulani hu melit aro kene, kinna kili hu mepo lohongahu waison, pe hu mepo huwiri hinonou soyon. Pe wou, ara anpwaingani hu melit ara, kinna kili hu mbunah mendreheh.

Mattiu 11:25 Referans Kwoze

Mattiu 21:16

Pe husok Yesu, hupa, “Wou ahalingi sehe melit hu mbunah iye hutora pwai, ndre pwi?” Pe Yesu isomwi hu, ipa, “Wawu kannime nongan iye pwi, ndre? ‘Iyau poho hu mbunah mendreheh pe hu mbunah malaman, ara Ngindrai kintakinimahu para hu kahari ngalan.’”

Mattiu 16:17

Pe Yesu isomwiy, ipa, “Lomwes, ara ita kili wou, Simon NdraYonah. Ndramat hamou kinpwainganiy kinsa kili wou pwi, hapeko Tomo ita kol paingan yang, ara yiy opu kinpwainganiy.”

Aposel 17:24

Ngindrai mepo imangsani kol pwan pe melit masih iripo aliy, ara yiy Yapane kol pwan pe kol paingan yang. Pe yiy ngara kinho ye nondriya hu yumwa totohun namandran mepo nima hu ndramat hupuliy, ara pwi.

Luk 22:42

“O Tomo, kapa anamiliy, pwen awiri pweniu iripo kili yo aro kiya mawen. Hapeko mbuna oho ndruwa namiliwo; konan. Namiliwam opu kirayah.”

Genesis 14:22

Hapeko Apram ipwai iyata king tahu Sotom ipa, “Uhuri nimo iya paingan pe upwai ngawan iya mbulmara YAPAN, Ngindrai iyera Paingan Masih mepo imbusi kol pwan pe paingan yang, pe urandrangan

Genesis 14:19

Pwen pe itoholi Apram ipa, “Ngindrai iyera Paingan Masih, mepo imbusi kol pwan pe yang andre kitoholi wou.

Luk 23:34

Pwen Yesu ipa, “Tomo, atali pakut mwomwan tahu aro, paratesah, yihu kowu tesah yihu tora mbusiy.” Pwen hu ndram ara hunonoyou satu para karahihiri koiwen.