Mattiu 1:16 - Nongan Hiyan

¹⁶ pe Yakop, ara tama Yosep. Pe Yosep, ara nambuyu Mariya mepo imwalahiy ta Yesu, mepo hupohowe yiy Kristus.

Mattiu 1:16 Referans Kwoze

Mattiu 27:17

Pwen pe iro mwonen hu ndramat soyon hu kansa rawurehu, Pailat isok hu, ipa, “Wawu namiliy para kutali hiyeh ta hilu malmou aro kisa kili wawu, Parappas ndre Yesu mepo hupohowe yiy Kristus?”

Luk 3:23

Pwen Yesu hayou tan ara iho tehe matingui, pe irandroiyi mbulyan. Pe yihu pa ndre yiy ara noru Yosep, pe Yosep ara noru Heli,

Mattiu 27:22

Pe Pailat isok, ipa, “Pwen, yo andre kumbusi tapeh kiya kili Yesu, mepo hupohowe yiy Kristus?” Pe hu masih husomwiy, hupa, “Karapaingi yiy kiya kei tondrih!”

Luk 4:22

Pwen hu masih husikiye yiy, pe huro lohonge soyon iya nongan para koisirai mepo iyau pohon. Pe huro sok, hupa; “Aripo noru Yosep, ndre?”

Luk 2:48

Iro mwonen taman hilu tinan hilu nime yiy, ara lohonga hilu indrap. Pe tinan ipwai iya kili yiy, ipa, “Noru, paratesah pe arakultuwani youlu tamam tehen tora? Ambusiy pe youlu ngandrah para teleyam.”

Luk 2:7

pe imwalahiy ta norun ndrihou kamai. Pwen isumwa yiy iya ndrihiyap, pe iyki yiy iye matin pwelekeya mbulmwakau, paratesah, hu noku matiliu masih para nondriya seu, ara hu kanpep topwei kinna tahu ndramat.

Luk 1:27

Pe angelou ara iyarayah iya kili pihindrahin hamou mepo kinnapolo kamai hamou mapu. Pe hu kansokomburani yiy para kiyesou kiya kili ndramat hamou ngalan Yosep; yiy ara iyau ndraye Tepit. Pe pihindrahin ara, ara ngalan Mariya.

Mak 6:3

Yiy ara ndramat para puliya seu, ndre? Pe yiy ara noru Mariya, pe nalin hu, ara Yamis, Yosep, Yutas, pe Simon, ndre? Pe pisun hu, hutopo sura tou iye yi, ndre?” Pwen welehu imai tan.

Mattiu 2:13

Hu ndramat lohongai waison iro kili hu ara hu kannau, pwen angelou hamou ta Yapan iyarayah iya kili Yosep iho nondriya nihinih, pe ipa, “Atine, awiri mbunah kiyapolo tinan pe akawop kaya Yisip. Ayen ara, kipoo kuwong kisa kili wou, paratesah, Herot, ara andre kiten mbunah ara, para kitingundrun.”

Mattiu 1:15

pe Eliyut, ara tama Eleyasar, pe Eleyasar, ara tama Mattan, pe Mattan, ara tama Yakop,

Mattiu 16:16

Pwen Simon Pita, ara ipa, “Wou, ara Kristus—ndramat mepo Ngindrai kintakiniman para kisopwat hu ndramat—wou ara Noru Ngindrai mepo yiy mwalen.”

Mattiu 16:20

Pe Yesu ipwandrandrahaniy iya kili ndramiran hu, para hu mbuna kaya tiyaniy kiya kili hamou tehe yiy ara Kristus.