Luk 9:59 - Nongan Hiyan

⁵⁹ Pwen Yesu ipwai iya kili ndramat hamou i, ipa, “Asa pe oho ndruwo.” Hapeko ndramat ara isomwi yiy, ipa, “Yapan, atali yo kuya roni tomo na.”

Luk 9:59 Referans Kwoze

Mattiu 16:24

Pwen Yesu ipwai iya kili ndramiran hu, ipa, “Kapa sehe ndramat pakiho ndruwo, ara andre kipa pwi kiya tan mbukenan, pe kisap kei tondrih tan, pe kisa kiho ndruwo.

Mattiu 6:33

Hapeko wawu katele kolo king Ngindrai kimu, pe kiyasura kultuwayin imwonen, pwen hu melit masih kene aro, ara andre kihang wawu yi.

Mattiu 9:9

Pe Yesu iyau iropo iya, pwen inime ndramat hamou ngalan Mattiu iro mipwan ndrohonoku poya takis. Pwen ipwai iya kili yiy, ipa, “Oho ndruwo!” Pwen Mattiu itine, pe iho ndruwan.

Luk 9:60

Pe Yesu ipwai iya kili yiy, ipa, “Hu ndramat para kimat, ara hu koro roni ndramirahu mbukenahu mepo humat. Hapeko wou aya, pe aya pohowe nongna kolo King Ngindrai.”