Luk 8:10 - Nongan Hiyan

¹⁰ Pe Yesu ipwai iya kili hu, ipa, “Lohongai kokohon para kolo King Ngindrai, ara kisa leu kisa kili wawu. Hapeko kiya kili hu hayah, ara kutiyaniy kiya nongan pwandritiye opu; pwen ‘ngara hu koro nimei, hapeko tehe hu kanyirowei pwi; pe ngara hu koro hilingiy, hapeko tehe lohongahu kanileu pwi.’

Luk 8:10 Referans Kwoze

Mak 4:11

Pe ipwai iya kili hu, ipa, “Lohongai kokohon para kolo King Ngindrai ara kinsa kili wawu. Hapeko hu ndramat hutora ngawan, melit masih mepo urupo pwai, ara itapo iya kili hu iya nongan pwandritiye ko.

Mattiu 11:25

Pe iro mwonen lang ara, Yesu ipa, “Tomo, urawuloh isatam, Yapane kol paingan yang pe kol pwan, paratesah, wou ankulani hu melit aro kene, kinna kili hu mepo lohongahu waison, pe hu mepo huwiri hinonou soyon. Pe wou, ara anpwaingani hu melit ara, kinna kili hu mbunah mendreheh.

Mattiu 16:17

Pe Yesu isomwiy, ipa, “Lomwes, ara ita kili wou, Simon NdraYonah. Ndramat hamou kinpwainganiy kinsa kili wou pwi, hapeko Tomo ita kol paingan yang, ara yiy opu kinpwainganiy.”

Mak 4:12

Pwen pe, andre hu koro ten, hapeko andre hu kankahiy pwi; pe andre hu koro hilingiy, hapeko andre hu kanpahasaniy pwi. Kapa pwi, matisan hu karapaiwani hu pe Ngindrai kitali mwomwan tahu.”