Luk 4:23 - Nongan Hiyan

²³ Pwen Yesu ipwai iya kili hu, ipa, “Matisan wawu pakatiyani paya nongan sahin iye kisa kili yo: ‘Ndrokta, asopwoyani wou mbukenam!’ Tesah mepo anmbusiy pwen iro Kapernawum, ara ambusiy tehen aliy opu kiro kolom imwonen iye.

Luk 4:23 Referans Kwoze

Mak 6:1

Yesu itali kol ara, pe imui iya kolon, pe ndramiran hu huho ndruwan huyapolo yiy pe huya.

Mattiu 4:13

Pwen itali Nasaret, pe iya pe ikuw iro kol ngawan Kapernawum, ita ngilse Ndran Makaiye Kaliliy. Kapernawum, ara ita pwene hu Sepulun pe Naptali.

Luk 6:42

Kapa anlahiy para anime kei hamwat hira maram mbukenam pwi, pwen tehen tapeh pe alahiy para apwai kiya kili nalim, apa, ‘Nakute konu kei ita maram.’ Wou ndramat para pwandrandraman! Wou ate kei hamwat ita maram kiyau kimu na, kihipwen, pwen andre alahiy para atuluwani nokulaniy ata nalim pe atei.

Luk 4:16

Pe Yesu ara imui iya Nasaret, kol mepo imandra iro aliy. Pe iro mwonen lang Sapat, yiy iya nondriya yumwa totohun, tehe ngara kiro mbusiy. Pwen itine para kipohowe nongan.

Mattiu 13:54

Pwen imui iyarayah iya ndrohokolon imwonen, pe iro hinuwani hu ndramat iro nondriya yumwa totohun tahu, pe huro lohonge ndrit. Pe husok, hupa, “Ndramat aripo iwiri lohongai waison pe pwoke para kimbusi hu ndraikiya pwoke aro, ara iyau aleheh?

Mattiu 4:23

Yesu iya yau nondriya kol namandran hape Kaliliy, pe iro hinuwani hu ndramat iro hu yumwa totohun tahu, pe iro pohowe nongan hiyan para kolo king Ngindrai. Pe isopwoyani hu ndramat masih humwa iya hu mwamwa handra-handra, pe hu masih hiyeh humbuyei.

Luk 2:39

Pwen Yosep hilu Mariya hilu kanmbusi melit masih iho ndruwa Nongan para Pwahanou ata Yapan kinhipwen, pwen hilmui hilya kolo hilu imwonen—kol ngawan Nasaret, hira nondriya kol namandran hape Kaliliy.

Luk 2:51

Pwen pe Yesu iyau iyapolo hilu pe huya pwan kol Nasaret, pe iho ndruwa nongna hilu masih. Hapeko tinan, ara iyki nongan masih ara iro manau lohongan.

Luk 4:31

Pwen Yesu iyau iya kol ngawan Kapernawum ita nondriya kol namandran hape Kaliliy. Pwen lang Sapat isarayah pe yiy iya pe iro hinuwani hu ndramat.

Luk 4:35

Pe Yesu ipalngai ana payit, ipa, “Amun opu! Pe atali yiy asa ngawan!” Pwen payit ara ipiyani ndramat ara iro pwan mbulmara hu masih, pe isa ngawan kili yiy pe kinpotisi ndramat ara pwi.