Luk 4:18 - Nongan Hiyan

¹⁸ “Mwoiwa Yapan ara iripo ndrito, paratesah, kintakinimo pwen para kupohowe nongan hiyan kiya kili hu mepo hundroisiy. Yiy ipwandrisa yo usa, para kupwahara nongan kiya kili hu ndramat hu tora nondriya kou, para hu kasa ngawan, pe hu ndramat marahu iyoh ara hu kanimnim paiwe, pe hu hiyeh hutora nondriya nopwaran ara hu koro mwoimwoi.

Luk 4:18 Referans Kwoze

Mattiu 11:5

Yihu mepo marahu iyoh, ara hunimnim. Pe yihu mepo ndrikahu mwomwan, ara hu topo rokai. Pe yihu mepo mwamwa kawa iro kili hu, ara huya howen. Pe yihu mepo ndraingahu iyui, ara ndraingahu ileu. Pe yihu mepo humat, ara hutine paiwe. Pe yihu mepo hundroisiy, ara huhulingi nongan hiyan.

Aposel 10:38

Ngindrai irakinima Yesu para Nasaret iya pwoke ta Mwoiwan Haiyan, pe iropo iya kol hakol-hakol, pe iro mbusi hiyan pe iro mwaniyani hu masih mepo huro pahandra pwoke ta Sinai. Paratesah, Ngindrai, ara iro sura yiy.

Luk 7:22

Pwen pe ipwai imui iya kili hilu ndramat para sapiya nongan ta Yohanes malmou ara, ipa, “Walu kamui pe kaya nese ndrainga Yohanes kiya sehe melit walu kannimei pe kanhilingiy. Yihu mepo marahu iyoh, ara hunimnim; pe yihu mepo ndrikahu mwomwan, ara huropo tokai; pe yihu mepo mwamwa kawa iro kili hu, ara huya howen; pe yihu mepo ndraingahu iyui, ara ndraingahu ileu; pe yihu mepo humat, ara hutine paiwe; pe yihu mepo hundroisiy, ara huhulingi nongan hiyan.

Aposel 26:18

para ambusi mara hu kaleu, pe arapaiwani hu mepo hutora kol lokuhan kasa ngana lang, pe hutora pahandra pwoke ta Sinai, ara hu kasa kili Ngindrai. Pwen pe hu pakut mwomwan humbusiy, ara andre kutaliy. Pe andre hu kawiri ndrohonoku hu kiyasura hu mepo hu kanpwotisingi lohongahu isa kili yo, para hu karayah howen kiya mbulmoro.’

Mattiu 4:16

yihu ndramat ara, mepo hutora lokuhan, ara hu kannime nganan namandran. Pe yihu hiyeh hutora lokuhan mepo hukowu ta Ngindrai, ara nganan kinlengani hu.”

Mattiu 5:3

“Lomwes ita kili hu mepo tanahu tehe menmenahu pwi iya melit para mwoiwahu, paratesah, kolo king para kol paingan yang, ara atahu.

Luk 6:20

Pe Yesu maran iya kili ndramiran hu, pe ipa, “Wawu ndramat mepo menmena wawu pwi, ara lomwes ita kili wawu, paratesah, kolo King Ngindrai ara ata wawu.

Mattiu 12:20

Pe parah hakou mepo ipuyui, ara andre kintumbuwei pwi, pe mwan mepo nakimonon, ara andre kinsumatei pwi, kipoo kimbusi kultuw imwonen kiramwaitini kultuw masih kene.

Genesis 3:15

Pe andre kuiki hingas kiho mwalingam pe mwalinga pihin, pe mwalinga ndrayem hu pe mwalinga ndrayen hu. Pe ndraye pihin hamou andre kiraluluwi payam, pe wou andre ayantani mbutikan.”

Aposel 4:27

Ara ndrokonan tehe Herot iyapolo Pontiyus Pailat iyapolo hu Ndramira Lah, pe iyapolo hu ndraye Yisrayel, ara hu masih hurawure hu topo kol namandran iye, pe humburi nongnahu para kamwisnani ndramiram haiyan para poya mbulyam, Yesu, mepo antakiniman.

Mattiu 12:18

“Iye ara ndramat para poya mbulyo mepo kuntakiniman. Yiy hiyeh ndriyo imbuluhi yiy pe upwes iyatan; pe andre kuiki Mwoiwo kiya ndritan, pe andre kipohowe nongan para tamwaniye kultuw imwonen, kiya kili hu ndraye ndramat masih.

Luk 4:17

Pe huiki puk maiye ata poropet Yisayah iya kili yiy. Pwen ilombuliy, pe ikahi nongan sahin mepo Yisayah kinratuluwiy pwen ita, ara ipa toro:

Aposel 4:26

Hu king para kol pwan ara husa mbultani hu, iyapolo hu yapane kol, para kapo pahun kiya kili Yapan pe kiya kili ndramiran, Kristus.’