Luk 22:36 - Nongan Hiyan

³⁶ Pe ipwai iya kili hu, ipa, “Hapeko mahapo kapa ndropwa sombule pat ita kili wou, ara awiriy, kiyasura ndrop sahat. Pe kapa hapai semela pahun niwen kinto kili wou pwi, apo pehei kiya ndroham hamou, pe asou hapai.

Luk 22:36 Referans Kwoze

Mattiu 10:10

Pe wawu mbuna akasap ndropwa kunkun, pe mbuna akapo susura koiwe wawu, ndre susura hatna pweleka wawu, ndre kapo nes sih kiyapolo wawu. Paratesah, ndramat ngara kipo mbulen, ara andre kiwiri hiyan kiyau aliy.

Luk 22:35

Pwen Yesu isok hu, ipa, “Mamu upwandrisa wawu ya po mbulyo, ara wawu kankun ndropwa sombule pat, ndre ndrop, ndre hatna pweleka wawu, ara pwi. Pe iro mwonen lang ara, wawu ndroisiy hapesah ndre pwi?” Pe husomwi yiy, hupa, “Pwi yoh.”

Luk 22:37

Paratesah, hu kantatuluwiy pwen, ara kinpwai toro: ‘Yihu ndromwa yiy iyasura hu ndramat mwomwan.’ Pe upwai isa kili wawu tehe nongan iye andre kirayah mannan kirahihini yo. Pwen tesah mepo pwayan kinpwai, ara andre kirayah mannan manau.”

Luk 22:38

Pwen ndramiran hu, hupa, “Yapan, animei, semela pahun malpai aripo.” Pwen isomwi hu, ipa, “Ara ilahiy.”