Luk 22:33 - Nongan Hiyan

³³ Hapeko Pita isomwi yiy, ipa, “Yapan, yo urupo hinehes o; kapa naya nondriya kou, ara utapolo wou, pe kapa nayamat, ara andre kumat sura wou i.”

Luk 22:33 Referans Kwoze

Mak 14:31

Hapeko Pita irakekei pwokeyan, ipa, “Konan kapa kumat kiyasura wou, hapeko andre kunpwai tehe ukowu tam, ara pwi yoh!” Pwen hu ndramira Yesu masih, ara hupwai iyawule tehen aliy.

Mak 14:29

Pwen Pita ipwai iya kili yiy, ipa, “Konan, kapa hu masih kunhindrundru, hapeko yo, ara pwi.”

Mattiu 20:22

Pe Yesu ipwai iya kili hu, ipa, “Wawu kowu tesah wawu tora sok iya aliy ara. Walu lahiy para kayin kiya pweniu mepo pakeh nakuyin kiya aliy?” Pe hilsomwiy, hilpa, “Youlu lahiy.”

Aposel 21:13

Pwen Pol isomwi yowu, ipa, “Paratapeh wawu tora tang pe wawu tora mbusi ndriyo irang? Yo urupo mwoimwoi para hu kawasi yo. Pe ariyo ko pwi, urupo mwoimwoi yi para kumat kuro nondriya Yerusalem kiya ngala Yapan Yesu.”

Luk 22:34

Hapeko Yesu ipa, “Pita, yo upwai isa kili wou, kiro lang nepo, pe tutut kintang mapu, andre apwai maporotisap tehe akowu to.”

Luk 22:57

Hapeko Pita ipwasarahaniy, pe ipa, “Nam, yo ukowu tan.”