Luk 22:29 - Nongan Hiyan

²⁹ Tomo iyki kolo king isa pahandro, pwen tehen tora ko, uiki kolo king para kiro pahandra wawu yi.

Luk 22:29 Referans Kwoze

Mattiu 25:34

Pwen King andre kipwai kiya kili hu mepo huya pwen te niman mot, kipa, ‘Wawu mepo Tomo iripo toholi wawu, ara akasa pe akasawiri kolo king, mepo Ngindrai kinmwaniyaniy pwen ata wawu, tandrohonga imangsani kol pwan irayah.

Mattiu 28:18

Pwen Yesu isa kili hu, pe ipa, “Pwoke nopwaran masih ita kol paingan yang pe iripo kol pwan, ara Ngindrai kiniykiy topwei kinsa kili yo.

Mattiu 24:47

Upwai ndrokonan isa kili wawu, tehe namandran tan andre kiyki yiy kiro nimnim kiya hu menmenan masih kene.

Luk 12:32

Wawu ndrokoyirayi sipsip hapat mendreheh, wawu mbuna akanoh. Tama wawu, ara kinlohonganiy pwen tehe andre kipwes para kiyki kolo King Ngindrai kisata wawu.

Luk 19:17

Pe king ipwai iya kili yiy, ipa, ‘Ndramat para poya mbulyo, anmbusiy hiyan masih! Wou ara anpwokarani melit mendreheh, pwen pe hu kol namandran masongui, ara andre aro nimnim kiya tahu.’

Mattiu 5:3

“Lomwes ita kili hu mepo tanahu tehe menmenahu pwi iya melit para mwoiwahu, paratesah, kolo king para kol paingan yang, ara atahu.

Mattiu 5:10

Lomwes ita kili hu mepo humbusi kultuw imwonen pe hu ndramat ngara karandroyani hu kiya aliy, paratesah, kolo king para kol paingan yang, ara atahu.

Mattiu 25:21

Pe namandran tan isomwi yiy, ipa, ‘Wou ndramat hiyan pe ndramat para weleso! Mbulyam hiyan! Wou apo mbulen iya melit noniy, pwen andre aro nimnim kiya hu melit soyon. Asa pe talu kapwes kawule!’