Luk 22:19 - Nongan Hiyan

¹⁹ Pwen iwiri ndrinanohun hayah pe irawuloh iya aliy, pe iramburingiy, pe iykiy iya kili hu, pe ipwai iya kili hu, ipa, “Iye ara nombuwe, uikiy isa kili wawu; akambusiy tehen aliy, para akorolohongani yo.”

Luk 22:19 Referans Kwoze

Luk 22:20

Tehen aliy opu, hunamnam ihipwen, iyamulan iwiri pweniu pe ipwai iya kili hu, ipa, “Pweniu iye, ara pweniu para tapaniu howen, mepo iyau ndreye, pe utilingiy imuw para kisopwat wawu.

Titus 2:14

Yesu iyki yiy mbukenan isa torou para kirakonihi rou kasa mawen hu kultuw pwassin, para kisungani hu ndramat hasap mepo yiy ihaiye hu para hu karayah howen, pe karayah ndramiran mbukenan, mepo andre hu kasumwakmwak para kambusi kultuw hiyan.

Luk 24:30

Pwen iya, pe iyeroh ngilse keyau iyasura hilu. Pe iwiri ndrinanohun pe irawuloh, pe iramburingiy, pe iro hang hilu.

Mattiu 14:19

Pwen Yesu ipwai iya kili hu ndramat para hu kampwan ndrita ndromwindriu. Pe yiy iwiri ndrinanohun mayimah pe ni malmou ara, pe maran itandras iya kol paingan yang, pe itoholiy, pwen iramburingi ndrinanohun ara. Pe iykiy iya kili ndramiran hu, pe hutainganiy iya kili hu ndramat.

Luk 22:17

Iyamulan Yesu iwiri pweniu pe irawuloh, pe ipa, “Akawiriy pe akatainganiy kiho mwalinga wawu.

Mattiu 15:36

Pwen iwiri ndrinanohun manandrtoyoh pe hu ni ara, pe irawuloh ihipwen, pwen iramburingiy, pe iykiy iya kili ndramiran hu. Pe hutainganiy iya kili hu ndramat.