Luk 21:25 - Nongan Hiyan

²⁵ Pe kaipisa melit hayah andre karayah koho paramwandrai, walah, pe hu piriy. Pe kiro kol pwan, ara hu ndraye ndramat para hapat-hapat masih, andre hu kahalingi ngasangasa nowei kiro rambumbusau ndrita ndras pe kiro talon; pwen andre lohongahu kamwakaikai kiya nopwaran mepo nakisa raporuwi hu.

Luk 21:25 Referans Kwoze

Aposel 2:19

Pe yo andre kumbusi hu kinima pwoke handra-handra karayah yang, pe andre kumbusi hu kaipisa melit handra-handra yi karayah koro mbulu pwan, tehe ndrai pe mwan pe kosumwan mabuniyan andre kirayah.

Mak 13:26

Pwen kiro mwonen lang ara, hu ndramat andre kanime Noru Ndramat kituh komkom kisa kol pwan, kiyapolo pwoke pe nonowa nganan namandran.

Mak 13:24

Kiyamulan para nopwaran namandran ara, ‘mwandrai andre kilokuh,

Mattiu 24:29

Kiya ndruwa lenge hu nopwaran ara kahapwen, pwen hape pwi ko, ‘mwandrai andre kilokuh, pe walah andre kiniyki nganan pwi, pe hu piriy andre kayos kayau yang kasa pwan, pe hu pwoke para yang, ara andre hu kamemeyeu.’

Mak 15:33

Pwen iho ndrokolo lang pe paramwandrai iro songui pe luwoh, ara kol pwan masih ilokuh topwei, ipoo iya piyahon pe paramwandrai iya iho tehe maroyoh.

Mattiu 27:45

Pe paramwandrai iho ndrokololang, pwen kol ilokuh ipoo iya piyahon, pe paramwandrai iya iho tehe maroyoh.

Luk 21:24

Pe andre hu karut ngundruhu kiya semela pahun niwen, pe andre hu kambultuwe tahatini hu pe kaluwani hu kaya kene hu kol namandran masih para kol pwan. Yihu Ndramira Lah, andre yihu kangastoro kaya Yerusalem tehen tora ko, kipoo Ngindrai kipwai tehe lenge hu Ndramira Lah hu koro Yerusalem, ara kiyahapwen.

Luk 21:26

Andre koyu hu ndramat kimwa, kiya hu melit mepo nakarayah kiro kol pwan. Pe hu ndramat andre kanoh turuwehu, pe andre kimbusi hu pe marahu kawuh. Pe hu pwoke para yang, ara andre hu kamemeyeu.