Luk 19:10 - Nongan Hiyan

¹⁰ Noru Ndramat isa, ara tunan iye: para kiten pe kisopwat hu ndramat mepo husongsin.”

Luk 19:10 Referans Kwoze

Mattiu 1:21

Pe yiy andre kimwalahiy ta mbunah kamai hamou, pe andre apohowe ngalan kiya Yesu, paratesah, yiy andre kisopwat ndramiran hu para hu kasa mawen hu pakut mwomwan tahu.”

Mattiu 15:24

Hapeko Yesu isomwiy, ipa, “Ngindrai ipwandrisa yo usa, ara para kuya kili hu sipsip para Yisrayel opu, mepo hu kansongsin.”

Luk 15:32

Hapeko ndriya worou ara kiro hiyan pe tukapwes, paratesah, nalim aro, ara kinnamat, pe mahapo kinimui kinsa mwalen paiwe; iyasongsin, pe kankahi yiy.’ ”

Mattiu 10:6

Hapeko wawu kaya kili hu ndraye Yisrayel, mepo hu kansongsin tehe hu sipsip.

Mattiu 18:10

Ndriya wawu mbuna kitayi hu mbunah mendreheh iye. Paratesah, yo upwai isa kili wawu tehe hu angelou tahu, ara lang masih ngara hu koro mbulmara Tomo ita kol paingan yang.

Luk 15:8

Pe kapa pihin hamou ma sombule silwa tan masongui pe hambut para aliy kiyos, pwen andre tapeh? Ara andre kitolmwani paisui sahin pe kipwasili seu pe kiten nokulaniy, kipoo kiya kahiy, ndre?