Luk 12:17 - Nongan Hiyan

¹⁷ Pwen yiy mbukenan iro lohonge, ipa, ‘Andre kumbusi tapeh? Hape kaisowa anandrinai to para kuratto hu koro aliy, ara pwi.’

Luk 12:17 Referans Kwoze

Mattiu 5:42

Pe kapa hiyeh kisok wou kiya melit handra, ara aikiy. Pe hiyeh pakisa popo kili wou, ara mbuna apa pwi kiyatan.

Aposel 16:30

Pwen iwiri hilu iya ngawan pe isok hilu, ipa, “Walu namandran ato, andre kumbusi sehe melit para Ngindrai kisopwat yo?”

Luk 19:17

Pe king ipwai iya kili yiy, ipa, ‘Ndramat para poya mbulyo, anmbusiy hiyan masih! Wou ara anpwokarani melit mendreheh, pwen pe hu kol namandran masongui, ara andre aro nimnim kiya tahu.’

Luk 18:22

Iro mwonen Yesu ihilingi nongan aro, pwen ipwai iya kili yiy, ipa, “Melit handra ko hira ndron, ara anmbusiy mapu. Ayapo pehei kiya hu melit tam masih, pe awiri singayai para aliy, pe atainganiy kiyata hu ndramat mepo hundroisiy, pe andre awiri hu melit lahayan kennen namandran ita kol paingan yang. Pwen asa, oho ndruwo.”

Luk 16:9

Yo upwai isa kili wawu, akataingani hu sombule pat pe hu melit handra-handra pwassin para kol pwan, para akapo kowase wawu hu kayau aliy. Pwen kapa hu melit pwassin ara kene hu kahapwen, andre Ngindrai kirawulohani wawu koro nondriya hu seu mepo andre kinto-kinto.

Aposel 2:37

Pwen yihu ndramat masih ara huhulingi Pita iwong pe nongnan ara iwiri lohongahu imwonen, pe husok yiy iyapolo hu aposel, hupa, “Wawu nali, yowu andre kambusiy tehen tapeh?”

Luk 16:3

Pwen ndramat iro mu iya pohombulen ara, ara ipwai iya kili yiy mbukenan, ipa, ‘Yo mahapo andre kupo tesah ara? Namandran to nakiwiri mbulyo kiya mawen kili yo. Yo ara pwokeyo pwi para kutalon pwan, pe umasi para kuro rasosoying i.

Luk 12:33

Akapo pehei kiya hu menmena wawu, pe akaiki sombule pat para aliy, ara kiyata hu ndramat mepo hundroisiy. Pe akapo hu ndropwa sombule pat para kol paingan yang, mepo andre kinimut pwi. Pe akaratto hu melit lahayan para kol paingan yang, mepo andre kinwenei para kihipwen pwi, pe hu ndramat para pahana kanwenei para kapahanowei pwi, pe hu selei kanwenei para kaseleyani hu pwi.

Luk 12:29

Pe lohonga wawu mbuna kimwa kiya sehe anandrinai para wawu nakayan, ndre sehe ndran para wawu nakayin; ara wawu mbuna akanimanga hu melit ara.

Luk 12:22

Yesu ipwai iya kili ndramiran hu, ipa, “Upwai isa kili wawu, lohonga wawu mbuna kimwa kiya mipwan tawawu, kiya tesah wawu andre kayan, ndre kiya tesah wawu nakasuluye wawu kiya aliy.

Luk 11:41

Hapeko aiki sehe melit mepo ita nondriya pwelekei kiya kili hu mepo hundroisiy, pwen pe meltam masih andre kiro howen.

Luk 10:25

Porosih aro, ndramat hamou ipahas iya nongan para pwahanou ara itine para pakinohonou lohonga Yesu, pe isok yiy, ipa, “Ndramat para hinonou, yo andre kumbusi tesah para kuwiri taleh mepo andre kinto-kinto?”

Luk 3:11

Pwen Yohanes isomwi hu, ipa, “Yiy mepo suluyan malmou, ara kiyki hamou kiyata hiyeh mepo suluyan pwi, pe hiyeh mepo anandrinan soyon, ara kimbusiy tehen aliy i.”

Mattiu 16:7

Pwen huro panguluwaniy mwalingahu, pe hupa, “Matisan ita wong tehen toro, paratesah, worou kanpo ndrinanohun pwi.”

Luk 12:16

Pwen itiyani nongan pwandritiye iya kili hu, ipa toro: “Pinge ndramat hamou menmenan soyon, ara hu anandrinai para aliy ara hurayah soyon iya.

Luk 12:18

Pwen ipa, ‘Yo andre kumbusiy tehe toro: andre kuloiwani hu kaisowa anandrinai ato, pe kupulihu kaya namandran, pwen andre kuratto hu mbuwa wit to pe hu memelit to hiyan hu koro aliy.