Genesis 49:24 - Nongan Hiyan

²⁴ Hapeko kei tapuiwe ta Yosep ara niman kinhitan aliy pwi, pe ipwotisingiy iro nokun o, paratesah, pwoke namandran ta Ngindrai ta Yakop ara iro pe iyki pwoke iyatan. Ngindrai ara tehe Ndramat para pwokere yiy, pe tehe Pat sih para lohowan.

Genesis 49:24 Referans Kwoze

Genesis 45:5

Pe mahapo mbuna akoro lohonge soyon pe ndrina wawu mbuna kilokuh ta wawu mbukena wawu iya kultuw mepo wawu mbusiy isa kili yo mamu; paratesah, Ngindrai ara ipwandrisa yo umu ta wawu para kusopwat hu ndramat pe andre hu kanmat pwi.

Aposel 4:11

Yesu ara ko, ara yiy ‘Pat mepo yihu ndramat para puliya seu humwisnaniy, ara kintayah pat para sotuna seu.’

Luk 20:17

Pwen pe Yesu maran iya mwonen iya kili hu, pe isok, ipa, “Pwayan kinpwai, tehe Pat mepo yihu ndramat para puliya seu hulowaniy, ara kintayah pat para sotuna seu. Pe mbulndroiyi nongan mepo hu kantatuluwiy aro, ara tesah?

Mak 12:10

Wawu kannime nongna Ngindrai sahin ara, ndre pwi? Nongan ara, ipa toro: ‘Pat mepo yihu ndramat para puliya seu hulowaniy, ara kintayah pat para sotuna seu.

Mattiu 21:42

Pe Yesu ipwai iya kili hu, ipa, “Wawu kannime nongan iye mepo ita Nongna Ngindrai pwi, ndre? ‘Pat mepo yihu ndramat para puliya seu hulowaniy, ara kintayah pat para sotuna seu. Yapan kinmbusi melit aro kintayah, pe ara mwayih iya, iya mara tou.’

Genesis 50:21

Pwen wawu mbuna akanoh. Yo andre kuponokulani wawu kiyasura noru wawu hu.” Pwen Yosep iyki nongan para koisirai ara iya kili nalin hu, pe imbusi ndriyahu ara iwayis.

Genesis 47:12

Pwen Yosep ara ngara kinimnim kiyata ndrayen hu kiya anandrinai. Pe yiy ngara kiyuk anandrinai kiya kili taman, nalin hu, nambuyu nalin hu, pe noru nalin hu ara iwene hu ko.

Genesis 45:11

Asa pe wawu kampwan kol Kosen pe andre yo kuro nimnim kisatam; paratesah, hayou mayimah para mundruwai namandran ara mapu kinsa, pe yo mbuwali para wawu norum pe hu kan masih ara hu kamundrui.’ ”

Genesis 45:7

Ngindrai ara imbusi melit namandran pe iya handra masih isa kili wawu, paratesah, ipwandrisa yo umu usa urupo iye ara para kusopwat wawu, pe andre wawu kanmat pwi.

Genesis 48:15

Pwen iyki lomwes iya kili Yosep pe ipa, “O Ngindrai, tumbu Apraham pe tomo Yisak ara hilu ho pahandram o, pe yo uro pahandra pwokere tam tandrohonga nano imwalahiy sato ipoo isa mannen mahapo.

Genesis 49:23

Pe hu ndramat para pahun iya tapuiwe ara hupopahun iya kili yiy, pe humbusi mwomwan iya kili yiy.