Genesis 31:41 - Nongan Hiyan

⁴¹ Yo uro sura wou hayou malungui. Pe upo mbulyam hayou songui pe hahiu ara para kuwiri norum hilu pihin malmou. Pe hayou manonoh iyapolon ara para kuwiri hu meme pe sipsip tam hayah. Hapeko wou lang masih ngara arapaiwani kenne.

Genesis 31:41 Referans Kwoze

Genesis 31:7

Pe tama walu ara ipwasike yo pe kenne ara irapaiwaniy maporosongui. Hapeko Ngindrai ara ikaituwe yiy pe kinmbusi handra melit mwomwan kinsa kili yo pwi.

Genesis 31:38

Yo uro sura wou hayou malungui, pe yihu sipsip pe meme tam ara hurosus hiyan o. Pe yo ara kunyan hamou sipsip tam kamai pwi.

Genesis 27:44

Aya pe aro sura yiy kipoo ndrina lokuh ta nalim kihipwen.

Genesis 29:15

Lapan ipwai iyata Yakop ipa, “Mahisan apa ndre wou ara ndraiye pe apo mbulyo ko mwaihei, ara pwi yoh. Apwai sato, kennem ara masahayeh?”

Genesis 30:28

Nahapo apohowe kennem masehayeh, pwen pe andre kusowani wou.”

Genesis 31:40

Lang sih tehe sih ngara mwandrai kitimwi yo, pe ngara kuwulen kiping, pe kunho matin hiyan pwi.

Genesis 32:4

Pwen ipwai iya kili hu ipa, “Iye ara nongno para akaya pwai kiyata yapane Esau. Akapa toro: ‘Yo Yakop, pwandrendres tam. Uro sura Lapan ipoo iya matne mahapo, pe nakumui kusa ara.

Genesis 31:6

Walu pahasaniy tehe umbulyani mbulya tama walu iyasura pwoke to masih.