Genesis 29:17 - Nongan Hiyan

¹⁷ Leyah ara maran lahin, hapeko Rahel, ara yiy lahayan masih, pe iramwaitini Leyah.

Genesis 29:17 Referans Kwoze

Genesis 12:11

Apram irotokai nakiya pakeh Yisip pe ipwai iyata nambuyun ipa, “Yo upahasaniy tehe wou ara pihin hamou lahayam iya.

Mattiu 2:18

“Ngasa ndriyang irayah, iyasura payandriyang namandran iya ita nondriya kol ngawan Ramah. Rahel itarang turut iyata norun hu, pe mbuwalin para karambumbuni yiy, paratesah, norun hu konto pwi.”

Genesis 48:7

Yo upowong iye, paratesah, koyu isikirani tinam, Rahel. Yowu tali kol Pattan Aram pe yowu mui nakasa Kenaan, pe yowu ho ndron sai pe yiy imat iho mwanan hape ko kili kol Eprat. Pwen pe uroni yiy iro ngilse sai nakiya Eprat.” (Eprat ara ngala Petlehem mamu.)

Genesis 39:6

Pwen tehen tora ko Potipar iyki melit tan masih kene iro pahandra pwokere ta Yosep para maran kiro aliy. Pe Potipar ara kinho lohongani melit masih iro nondriya seu pwi, paratesah, melit masih ita nima Yosep, pe Potipar ara ngara kilohongani anandrinan o. Yosep ara sangin lalahayan pe kaipisan ara mwayih iya.

Genesis 35:24

Pe Rahel ara norun malmou kamai, ngala hilu ara Yosep pe Penyamin.

Genesis 30:22

Pwen pe Ngindrai ilohongani Rahel, pe ihilingi totohun tan pe ipaiwani mundropwa ndriyan para kipo mbunah.

Genesis 29:18

Yakop ara inamili Rahel pwokeyan iya, pe ipa, “Andre kupo mbulyam nondriya hayou manandrtoyoh. Kihipwen, pwen kuwiri Rahel, norum kopwan pihin.”

Genesis 24:16

Repekah ara yiy hamou pihindrahin lahayan iya pe yiy ara kinmatin kinna sura hamou kamai mapu. Pe ilai iya ndrikou pe imwani ndran tan ihipwen pe imui iya paingan.

Genesis 12:14

Apram isarayah isa Yisip pe hu ndramat para Yisip hu nime Sarai ara pihin hamou lahayan iya.

Genesis 26:7

Pwen hu ndramat hayah para kol ara husike Yisak iyata Repekah, pe Yisak ipa, “Yiy ara pisu.” Yisak ara inoh para kipohowe Repekah ara nambuyun, paratesah, lohonge tan ara ipa, “Matisan hu ndramat para kol ara hu katingundru, paratesah, Repekah ara pihin lahayan iya.”

Genesis 29:16

Pe Lapan ara manorun malmou pihin–pihi namandran ngalan Leyah, pe pihi mendreheh ngalan Rahel.

Genesis 29:30

Yakop imatin iyasura Rahel, pe inamili Rahel namandran iya iyata Leyah. Pwen pe ipo mbulen ta Lapan hayou manandrtoyoh paiwe yi.