Genesis 24:24 - Nongan Hiyan

²⁴ Pe Repekah ipwai ipa, “Tomo ara Petuwel, yiy noru Nahor pe Milkah.”

Genesis 24:24 Referans Kwoze

Genesis 24:15

Pwen pe iro totohun manau, pe Repekah isarayah iyasura pwendran tan iro pwesen. Repekah ara noru Petuwel, pe Petuwel ara noru Milkah nambuyu Nahor, pe Nahor ara nali Apraham.

Genesis 22:23

Petuwel ara iyamulan irayah tama Repekah. Nali Apraham Nahor ara, iwiri Milkah, pe Milkah imwalahiy iyata norun kamai mandrolmou ara.

Genesis 22:20

Iyamulan hape, Apraham ihilong tehe Milkah, nambuyu nalin Nahor, ara imwalahiy iyata norun hu hayah kamai.

Genesis 11:29

Apram pe Nahor hilu yen, pe hilu yesou. Apram iwiri pihin hamou ngalan Sarai pe Nahor iwiri pihin hamou ngalan Milkah, nali Yiskah; tama hilu ara hamou o, Haran.

Genesis 24:23

Pwen ndramat ara isike yiy ipa, “Wou noru hiyeh? Hape yokyok ita seu ta tamam ndre pwi, para yo pe ndramiro hu kasa pe koro matin aliy mepo kiping?”

Genesis 24:25

Pe ipwai paiwe iya kili yiy ipa, “Kalsiu kili yowu ara ndromwindriu pe anandrinahu kan ara soyon iya ita aliy para hu kamel tam hu kayan. Pe seu towu sahin ara hiyan para wawu kasa pe koro matin aliy mepo kiping.”

Genesis 24:47

Pe yo usike yiy, ‘Wou noru hiyeh?’ Pwen pe yiy ipwai ipa, ‘Tomo ara Petuwel, yiy noru Nahor pe Milkah.’ Pwen pe yo uiki soyou iya ndrohongun pe mbunahai iya mbunahan.

Genesis 29:5

Pwen Yakop isok hu ipa, “Wawu pahasani tumbu Nahor kamai ngalan Lapan, ndre pwi?” Yihu somwiy hupa, “Ehe, yowu pahasani yiy.”