Genesis 24:1 - Nongan Hiyan

¹ Apraham ara kinna parangoloh pwen. Pe YAPAN kintoholi yiy kinna melit masih kene kinmbusiy.

Genesis 24:1 Referans Kwoze

Mattiu 6:33

Hapeko wawu katele kolo king Ngindrai kimu, pe kiyasura kultuwayin imwonen, pwen hu melit masih kene aro, ara andre kihang wawu yi.

Genesis 13:2

Apram ara yiy ndramat hamou menmenan soyon iya; pe hu kan atan ara soyon, iyasura silwa pe kolt.

Genesis 18:11

Apraham pe Sarah ara hilu kanna parangoloh pwen pe hilu kanlahiy para kapo mbunah pwi, pe Sarah ara kinhipwen sapiya walah tan.

Genesis 12:2

Yo andre kumbusiy, pe ndrayem hu andre karayah soyon iya, pe andre kutoholi wou pe andre kumbusi ngalam kiya namandran, pe wou andre arayah lomwes kiya kili hu ndramat.

Luk 1:7

Hapeko hilu kanpo noru hilu pwi, paratesah, Elisapet ara ihikamai. Pe hayou ata hilu malmou kene, ara kintamwaitini lenge hilu para hilu kapo mbunah.

Genesis 49:25

Paratesah, Ngindrai ata tamam ara yiy pwokeyan iya pe ngara kisopwat wou. Pe yiy opu ngara kitoholi wou pe kiyki lomwes para paingan, pe lomwes para mbulu pwan, pe lomwes para hu kapo hu mbunah kaya soyon iya.

Genesis 25:20

Pwen Yisak ara hayou tan iro mahaangui pe iwiri Repekah, mepo noru Petuwel pihin. Pe Petuwel ara ndramira Aram hamou, mepo para kol Mesopotemiya, pe Repekah ara pisu Lapan.

Genesis 24:35

YAPAN itoholi namandran to pe iyki meltan ara soyon iya. Ihingini yiy iya hu sipsip pe hu mbulmwakau, pe silwa pe kolt, hu ndramat para poya mbulyan kamai pe pihin, iyasura hu kamel pe tongkiy.

Genesis 21:5

Apraham hayou tan ara iro masangat, pwen Sarah imwalahiy iyata Yisak.

Genesis 26:12

Pe Yisak ara ihisi piyang hambut pe iro mwonen hayou ara, anandrinai soyo-soyon iya isarayah iro pwan ara, paratesah, YAPAN itoholi yiy.