Aposel 26:18 - Nongan Hiyan

¹⁸ para ambusi mara hu kaleu, pe arapaiwani hu mepo hutora kol lokuhan kasa ngana lang, pe hutora pahandra pwoke ta Sinai, ara hu kasa kili Ngindrai. Pwen pe hu pakut mwomwan humbusiy, ara andre kutaliy. Pe andre hu kawiri ndrohonoku hu kiyasura hu mepo hu kanpwotisingi lohongahu isa kili yo, para hu karayah howen kiya mbulmoro.’

Aposel 26:18 Referans Kwoze

Aposel 20:32

Pwen pe mahapo yo uiki wawu iya kili Ngindrai pe iya kili nongan para pahas atan, mepo andre kihingini wawu kamandra pe andre kiyki melit soyon kisata wawu kiro mwalinga hu norun mepo kintakinima hu pwen para karayah haiyan.

Luk 1:79

para kilengani hu mepo hutora nondriya lokuhan, pe hu tora nondriya nohowai para kimat. Pe andre kiponokulani tokuya rou kiro meresai para ndriya wayis.”

Aposel 2:38

Pe Pita isomwi hu, ipa, “Akarapaiwani ndriya wawu masih, pe akawiri paptais, kiya ngala Yesu Kristus; para Ngindrai kitali hu pakut mwomwan tawawu kayau. Pe wawu andre kawiri Mwoiwan Haiyan tehe yukyuk.

Aposel 20:21

Yo kuntiyaniy pwen kinna kili hu Yutah pe hu Krik kene, para hu karapaiwani ndriyahu kaya kili Ngindrai, pe hu kapwotisingi lohongahu kaya kili Yapan Yesu torou.

Luk 24:47

Pe iya ngalan o, andre kapohowe nongnan kiya kili hu ndraye ndramat masih, para hu karapaiwani ndriyahu, pe Ngindrai kitali hu pakut mwomwan tahu. Pe andre karandroiyin, ara kiro Yerusalem.

Aposel 13:47

Paratesah, Yapan kinpwandrandrahaniy kinsa kili yowu toro: ‘Yo umbusi wou, ara tehe ngana mwan para kilengani hu Ndramira Lah para kol pwan masih, pwen pe andre wawu kasopwat hu ndramat para mbusungo kol pwan masih, para kuwiri hu kamui kasa kili yo.’ ”

Aposel 15:9

Pe kultuwayin isa kili tou pe iya kili hu, ara ihisoule ko, paratesah, yihu kanpwotisingi lohongahu, pe iya tunan ara ko, Ngindrai isungani ndriyahu iya howen mbulmaran.

Aposel 5:31

Ndramat ara, Ngindrai kinwiri yiy kinna paingan pe itampwan niman mot. Yiy ara tehe Noru King, pe Ndramat Para Kisopwat hu ndramat. Pwen pe ita rasaya worou Yisrayel para karapaiwani ndriyarou, pe andre kitali hu pakut mwomwan torou.

Luk 1:77

Pwen pe ndramiran hu masih andre Yapan kitali hu kultuw mwomwan tahu kayau, pe tehen tora ko andre hu kasa yirowe sopwat ta Yapan.

Luk 24:45

Pwen imbusi lohongahu ileu, para hu kapahas kiya ndroiyi Nongan Haiyan ata Ngindrai.

Luk 4:18

“Mwoiwa Yapan ara iripo ndrito, paratesah, kintakinimo pwen para kupohowe nongan hiyan kiya kili hu mepo hundroisiy. Yiy ipwandrisa yo usa, para kupwahara nongan kiya kili hu ndramat hu tora nondriya kou, para hu kasa ngawan, pe hu ndramat marahu iyoh ara hu kanimnim paiwe, pe hu hiyeh hutora nondriya nopwaran ara hu koro mwoimwoi.

Luk 2:32

Pe ngannganan andre kilengani hu Ndramira Lah, pe andre kihari ngala ndramiram hu para Yisrayel.”

Mattiu 4:16

yihu ndramat ara, mepo hutora lokuhan, ara hu kannime nganan namandran. Pe yihu hiyeh hutora lokuhan mepo hukowu ta Ngindrai, ara nganan kinlengani hu.”

Aposel 26:23

Yihu kanpwai tehe Kristus, ara andre kikuni nopwaran ngandrahan, pe kiyamulan andre kirayah ndramat imu para kimat pe kitine paiwe. Pe yiy andre kipohowe nganngana Ngindrai kiya kili ndramiran hu imwonen para Yisrayel, pe kiya kili hu Ndramira Lah i.”

Aposel 10:43

Yihu poropet masih ara hu kantiyani yiy kinna ngawan, tehe hu hiyeh hupwotisingi lohongahu iya kili yiy, ara andre Ngindrai kitali hu pakut mwomwan tahu kayau, kiya ngalan.”

Aposel 3:19

Pwen pe akarapaiwani ndriya wawu pe akarapaiwani wawu kasa kili Ngindrai. Pwen pe Ngindrai kirapiyani hu pakut mwomwan tawawu kayau,

Mattiu 4:10

Pwen Yesu ipwai iya kili yiy, ipa, “Sinai! Aya mawen kili yo! Paratesah pwayan, ara kinpwai pwen toro: ‘Atohun kiya kili Yapan Ngindrai atam, pe aro pahandra yiy hamou opu.’”

Aposel 26:19

King Akrippa, Tehen tora ko, yo kunndrihisani nongan mepo isarayah iho nondriya taltan iyau kol paingan yang pe isa kili yo, ara pwi.