Aposel 16:5 - Nongan Hiyan

⁵ Pwen nongan ara, ara ipwokeyani lohongahu para nondriya hu sios, pe ndromwoyahu, ara iro hon iropo iya soyon nondriya lang masih.

Aposel 16:5 Referans Kwoze

Aposel 9:31

Pe hu sios nondriya kol Yutah, Kaliliy, pe Samariya masih, ara huya nondriya lenge ndriya wayis. Pe sios ara iro mandra, pe Mwoiwan Haiyan ara ipomene hu, pe huro tokai nondriya nohowai ta Yapan. Pe ndromwoyahu ara iro hon iropo iya soyon.

Aposel 2:47

Yihu ngara kahari ngala Ngindrai kiya paingan, pe ndriya hu ndramat masih ara iwayis iyatahu. Pe lang sih tehe sih, Yapan ngara kiposura ndromwoyahu, mepo Ngindrai ngara kisopwat hu.

Aposel 6:7

Pwen nongna Ngindrai ara iro mandra. Pwen pe ndromwoya hu yau ta Yesu ara iro hon iropo iya soyo-soyon iya, iro kol namandran Yerusalem. Pe hu pris soyon, ara huro ndruwa lohongai ndrisiyon iya kili Yesu.

Aposel 15:41

Pol iro tokai hakol iya hakol nondriya kol Siriya pe Silisiya, pe ipwokeyani hu sios.

Aposel 12:24

Hapeko nongna Ngindrai, ara iro mandra pe isilihi topwe kol masih.

Aposel 11:21

Pe pwoke ta Yapan, ara iro polo hu, pwen pe hu ndramat soyo-soyon iya ara hupwotisingi lohongahu, pe hurapaiwani ndriyahu iya kili Yapan.

Aposel 5:14

Hapeko hu ndramat hayah i mepo hupwotisingi lohongahu iya kili Yapan, hu kamai pe hu pihin kene, ndromwoyahu ara iro hon iropo iya soyo-soyon iya.

Aposel 4:4

Hapeko hu ndramat soyon mepo huhulingi nongna hilu, ara hupwotisingi lohongahu. Pe ndromwoyahu ara ihon pe irayah tehe mayipou (5,000).