Aposel 13:47 - Nongan Hiyan

⁴⁷ Paratesah, Yapan kinpwandrandrahaniy kinsa kili yowu toro: ‘Yo umbusi wou, ara tehe ngana mwan para kilengani hu Ndramira Lah para kol pwan masih, pwen pe andre wawu kasopwat hu ndramat para mbusungo kol pwan masih, para kuwiri hu kamui kasa kili yo.’ ”

Aposel 13:47 Referans Kwoze

Luk 2:32

Pe ngannganan andre kilengani hu Ndramira Lah, pe andre kihari ngala ndramiram hu para Yisrayel.”

Aposel 26:23

Yihu kanpwai tehe Kristus, ara andre kikuni nopwaran ngandrahan, pe kiyamulan andre kirayah ndramat imu para kimat pe kitine paiwe. Pe yiy andre kipohowe nganngana Ngindrai kiya kili ndramiran hu imwonen para Yisrayel, pe kiya kili hu Ndramira Lah i.”

Aposel 22:21

Pwen Yapan ipwai isa kili yo, ipa, ‘Aya, andre kupwandrisa wou aya mwanan-mwanan iya, kili hu Ndramira Lah.’ ”

Aposel 9:15

Hapeko Yapan ipwai iya kili yiy, ipa, “Aya! Ndramat ara kuntakiniman pwen, para kirayah ndramat para poya mbulyo, para kiwiri ngolo kiya kili hu Ndramira Lah, pe hu king tahu, kiyapolo hu noru Yisrayel i.

Aposel 1:8

Hapeko wawu ara andre kawiri pwoke kiro mwonen Mwoiwan Haiyan kisa ndrita wawu; pe andre wawu katiyani titiye to mepo wawu kannimei pe kanhilingiy, kiya kili hu koro kol Yerusalem, pe kiya nondriya kol malkol namandran iya Yutiya pe Samariya masih, pe kiyandrek kiya hu mbusungo kol pwan.”

Mak 16:15

Pwen ipwai iya kili hu, ipa, “Akaya kene kol pwan masih, pe akapohowe nongan hiyan kiya kili hu masih kene mepo Ngindrai imangsaniy.

Mattiu 28:19

Pwen ndroiyin aro ko, akaya pe akahanuwani hu ndraye ndramat masih kene para hu karayah ndramiro. Pe akasumuluwani hu kiya ngala Tomo, pe Norun, pe Mwoiwan Haiyan.

Luk 24:47

Pe iya ngalan o, andre kapohowe nongnan kiya kili hu ndraye ndramat masih, para hu karapaiwani ndriyahu, pe Ngindrai kitali hu pakut mwomwan tahu. Pe andre karandroiyin, ara kiro Yerusalem.