Yudasi 1:25 - Sura Malelaha

²⁵ Pue Ala, au bara ara kasimbelaNa, Ia au mohoremake hangko i huku dosanta anti kanapahurunta Yesu Kerisitu Amputa. Tapomahile hangaNa lawi Ia pea au meawa, au mahile tuwoNa, au makuasa hai au merae, mepongka hangkoia, ide-ide, hai hawe i hae-haena. Amin! Hangko iriko YUDASI

Yudasi 1:25 Referans Kwoze

1 Timotiu 1:17

Pue Ala, Datu au poparentaNa bara mokahopoa, hintoto mpuu rabila hai ratoia, lawi Ia tuwo i hae-haena, au bara taita, hai au bara ara hasimbelana. Tapomahile hai tatoia hangaNa hawe i hae-haena. Amin.

Yohane 5:44

Noumba pepoinalaimi Iriko, ane mampeinao peakau ratoia rangami? Bara niunde mobaliki babehiami bona Pue Ala HaduduaNa motoiakau.

Roma 11:36

Lawi ope-ope au ara, napopewali hai nakuasai Pue Ala bona Ia pea au rapomahile. Tetoiami Pue Ala hawe i hae-haena! Amin!

Ibarani 13:8

Yesu Kerisitu bara tebaliki; Ia himbela pea hangkoia, ide-ide, hawe i hae-haena.

Pampetudungia 1:6

hai Napopewalimoke taunaNa i lalu poparentaNa. Napopewalimoke tadulako mpenomba au mampopolumao bago penomba i Pue Ala, UmaNa. Yesu Kerisitumi au meawa tuwoNa hai au makuasa hawe i hae-haena. Amin!

Titu 2:13

Lawi ide-ide, tanganta mampegia alo pewalina apa au taharunga, iami alo au buke katana-tana. I tempo iti, ope-ope tauna ina moita kuasana Pue Ala au mahile tuwoNa, hai Datu Topehoremanta, iami Yesu Kerisitu.

Roma 16:27

hai au moisa hinangkana, hai au bara ara karoduana! Toiami i lalu hangana Yesu Kerisitu hawe i hae-haena. Amin! Hangko iriko PAULU

Matiu 6:13

Inee wongkamia Nupogiangaa nakelo tokadake agaiana Nukabaha wongkamia hangko i kuasa au kadake. [Lawi Oiomi ampu Kadatua hai Kuasa hai Peawa, hawe i hae-haena. Amin.]

Epesu 3:21

Ido hai hintoto mpuu Pue Ala tapomahile anti kamaroana Kerisitu Yesu irikita au mepoinalai. Tetoiami Pue Ala mepongka ide-ide hawe i hae-haena. Amin.

Yohane 4:22

Ikamu to Samaria, barato niisa kahemana au nipenombai. Ikami to Yahudi, kiisa kahemana au kipenombai, lawi ara dandina Pue Ala au manguli katehorema ina hawe hangko i to Yahudi.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

1 Peturu 4:11

Hema au motuntu, hangangaa mopahawe apa au nadokomi hangko i Pue Ala. Hema au motulungi rangana, hangangaa metulungi hangko i karoho au nalambi hangko i Pue Ala. Hangangaa nibabehi nodo bona i hinangkana au mewali, Pue Ala rapomahile i lalu hangana Yesu Kerisitu, lawi Pue Ala au makuasa hai hintoto rapomahile hawe i hae-haena! Amin.

Titu 3:4

Nauri nodo kakadakena babehianta, agaiana Pue Ala mia-mia mampokakaiake hai Napopaitaamoke kamaroana laluNa i kaNahoremanta hangko i huku dosanta.

Titu 2:10

hai ineehe mopanangka anu-anuna ampunda. Hangangaa rapamaroa-roa liliu babehianda hai matunduhe i ampunda. Lawi ane nodo babehianda, ope-ope tauna ina motoia paturo kana i Pue Ala, Topehoremanta.

1 Timotiu 2:3

Itimi au maroa hai au naunde Pue Ala au mohoremake hangko i huku dosanta.

Epesu 3:10

Tunggaiana Pue Ala iami bona ide-ide melempo i pohintuwunda tauna au mepoinalai Iria, maroa to Yahudi ba au bara to Yahudi, ope-ope topoparenta hai ope-ope au makuasa i suruga ina moisa kamatopana Pue Ala mampobago hinangka tunggaiaNa.

Epesu 1:8

Ia mobabehi iti anti kamaahiNa au bara ara hokana, moula kamatopaNa hai kapandeNa.

Roma 11:33

Maroa mpuu Pue Ala! Kaladu mpuu pekiriNa hai manoto laluNa! Hema au peisa moparesa tunggaiaNa? Hema au peisa moisa ope-ope raraNa?

Lukasi 1:47

Matana mpuu lalungku lawi Pue Ala mohoremana hangko i huku dosangku.