Yohane 8:53 - Sura Malelaha

⁵³ Ba Nuuli meliu kamahilena tuwoMu hangko i toiorunta Burahima au mahaemi mate? Ba meliu kamahilena tuwoMu hangko i ope-ope nabi au matemohe? Ane nodo lolitaMu, tuwoMu Nupahimbelari hai hema?”

Yohane 8:53 Referans Kwoze

Yohane 4:12

Tibubu ide sosorangki hangko i Yako, toiorungki. Ia moenu owai hangko inde, nodo worihe anana hai binatana. Ba Nuuli meliu kamahilena tuwoMu hangko i Yako pane peisaKo moweina owai au meliu kamaroana hangko i owai tibubu ide?”

Roma 9:5

Ihira iamohe pemuleanda toiorunda au napileimohe Pue Ala hangkoia. Hai Kerisitu au rapoanaka nodo manusia mesupa wori hangko i pemuleanda. KuasaNa melumbu hangko i hinangkana; Iami Pue Ala au hintoto tatoia hawe i hae-haena. Amin!

Yohane 19:7

Rauli tadulakonda to Yahudi, “Moula atura agamangki, Ia hangangaa rahuku mate, lawi Nauli kaIana Anana Pue Ala.”

Yohane 12:34

Rauli tauna bosa, “I lalu Aturana Pue Ala kibasa: Datu Topehompo tuwo hawe i hae-haena. Moapari hai Nuuli Ana Manusia hangangaa rapamapangka i kau mombehape? Hema Ana Manusia au Nutunggai iti?”

Yohane 10:33

Rauli to Yahudi, “Barari anti bagoMu au maroa pane ina kipapateKo, agaiana anti popapakoiMuri Pue Ala! Oio, manusia biasa peaKo, agaiana Nuuliri Pue AlaKo!”

Yohane 8:58

Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”

Yohane 5:18

Hangko inditi, tadulakonda to Yahudi mohaoki liliuhe rara mopapate Yesu. Mobabehihe nodo i Yesu, bara pea anti poliungiNa ada i Alo Pengkarooangaa, agaiana lawi Nauli wori Pue Ala iami UmaNa; lempona, Ia mopahimbela wataNa hai Pue Ala.

Matiu 12:6

Mewali, pelumbunami Iko, lawi meliu kamahilena tuwoNgku pane Souna Pue Ala,

Matiu 3:9

Hai ineekau mampemahile, niuli, ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi! Ane naunde Pue Ala, pemuleana Burahima peisa Napopewali hangko i watu ide.