Yohane 8:28 - Sura Malelaha

²⁸ Ido hai Nauliangaa mbulihe, “Ane mopamapangkamokau Ana Manusia, hangko niisari Ikomi au rauli ‘IKO ARA’, hai bara ara hampaka au Kubabehi moula peundeaKu. BateNgku pea mampololita apa au NapaturoaNa UmaNgku.

Yohane 8:28 Referans Kwoze

Yohane 5:30

Yesu mopaliliu lolitaNa, Nauli, “Iko, baraNa peisa mobabehi apa-apa moula peundeaKu haduduaNgku. Kubotusi hinangkana moula apa au nahawaaNa UmaNgku. PobotusiNgku manoto, lawi baraNa moula peundeaKu haduduaNgku, agaiana moula peaNa peundeana Pue Ala au motuduNa.

Yohane 5:19

Mewali mololitami Yesu irihira, Nauli, “Tou mpuu lolitaNgku ide: Nauri AnanaNa Pue Ala, baraNa peisa mobago moula peundeaKu haduduaNgku. Apa au Kuita Nababehi UmaNgku, batenami iti au Kupobago. Apa pea bagona UmaNgku, iti wori bagoNgku,

Yohane 6:38

Lawi kamaiNgku hangko i suruga, baraNa mobabehi peundeaKu haduduaNgku. Agaiana maiNa mobabehi peundeana Pue Ala au motuduNa.

Yohane 3:14

Hangkoia i pada wungi, to Isaraeli nahukuhe Pue Ala pane natilohe ile. Pue Ala motudu nabi Musa mobabehi ile hangko i tambaga, bona nawoli i wuntu kau hai natindaka. Hema peahe au natilo ile hai mampengoahe ile tambaga iti, hangangaa maoha hai tuwohe. Mewali, nodo ile tambaga iti rapamapangka i pada wungi, nodo wori Ana Manusia hangangaa rapamapangka i kau mombehape,

Roma 1:4

TuwoNa malelaha nodo Pue Ala hai i pearona hangko i olo tomate, mewali hambua tanda kuasa au mopatongawa, Yesu Kerisitu Amputa iti, iami Anana Pue Ala.

Suro 4:4

Agaiana tauna au mampehadingi paturonda Peturu hai Yohane i Souna Pue Ala, bosamohe au mepoinalai i Yesu, alana tetambai kabosanda tauna au mepoinalai duuna handahe lima sabuna tobalilo.

Suro 2:41

Bosa tauna au mampoinalai lolitana Peturu, pane laomohe rariu. I alo iti, kabosana tauna au mepoinalai i Yesu, tetambaimi ba aramohe pae talu sabuna.

Yohane 19:18

Inditimi Yesu rapaku i kau mombehape. Ara wori rodua tauna ntanina au rapaku i kau mombehape hihimbela hai Ia, hadua ntanda i kabeoNa, hadua ntanda i koanaNa.

Yohane 16:10

Ia ina mopatongawa kamanotoNgku, lawi ina laomoNa i UmaNgku, hai barapoNa niita.

Yohane 11:42

Kuisa, batena Nupehadingi liliu lolitaNgku. Agaiana lolitaNgku ide Kuuli masisimbuku bona rahadi tauna bosa inde bona rapoinalai kaOiona mpuumi au motuduNa.”

Yohane 8:24

Ido hai Kuuliangaakau inona, ina matekau i lalu kamadosami. Ane bara nipoinalai lolitaNgku au manguli Ikomi au rauli ‘IKO ARA’, batena mpuukau mate i lalu kamadosami.”

Yohane 3:11

Tou ide lolitangKu: Mampololitangkai apa au kiisa, mosabingkai apa au kiita. Agaiana barakau mau modoko lolitangki.

Matiu 24:5

Lawi bosa tauna ina mai hai mangulihe kaihiranami Datu Topehompo. Bosa tauna ina rapakanawo.

Markus 13:6

Lawi bosa tauna ina mai hai mangulihe kaihiranami Datu Topehompo, alana bosa tauna ina rapakanawo.

Lukasi 21:8

Nauli Yesu, “Mainga-ingakau bona datikau rapakanawo, lawi bosa tauna ina mai hai mangulihe kaihiranami Datu Topehompo. Ara worihe au ina manguli kahawenami alo pebotusi i kahopoa dunia. Agaiana ineehe nipoinalai.

Yohane 4:26

Nauli Yesu, “Ikomi Tauna iti au tangana mololita irio.”

Yohane 8:27

Au natunggai Yesu iami UmaNa i suruga, agaiana bara raisa lempona.

Yohane 8:58

Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”

Yohane 13:19

Ide Kupahawea amimokau hangko damani mewali bona ane mewalimi, ina nipoinalai ‘Ikomi au rauli IKO ARA’.

Yohane 18:32

(Ide mewali bona tepabukei apa au nauli Yesu kana i kapateNa.)