Yohane 7:12 - Sura Malelaha

¹² Mombekakanenimohe tauna bosa inditi. Arahe au manguli, “Ia tauna maroa.” Hantanga wori manguli, “Bara! Ia mopakanawo pea tauna bosa!”

Yohane 7:12 Referans Kwoze

Yohane 9:16

Bahangkiahe toParisi manguli, “Ane nodo, tauna iti bara hangko i Pue Ala, lawi bara mampeulai palianta i Alo Pengkarooangaa.” Agaiana hanggaahe manguli, “Ane tomadosa, hangko iumbari kuasaNa mobabehi ngkaia tanda kuasa au nodo?” Ido hai mombehahanaimohe.

Yohane 7:47

Mehanahe toParisi iti, rauli, “Ba Naakalangi worimokau?

Yohane 7:32

Arahe bahangkia toParisi au mohadi pombekakaneninda tauna bosa kana i Yesu. Ido hai ihira hai kapala-kapala tadulako mpenomba motudumohe bahangkia topokampai Souna Pue Ala lao mohaka Yesu.

Pilipi 2:14

I paka-pakana au nibabehi, ineekau mohume-hume ba mombembehehe,

Roma 5:7

Masusa talambi ara tauna au mau rapapate mopahuru rangana au manoto. Agaiana ane ara tauna au maroa laluna, babila ara mpuu hadua au mau mate mopahuru tauna iti.

Yohane 7:52

Mehanahe rangana, rauli, “Ba to Galilea woriko! Nuwile hai nuparesa i lalu Sura Malelaha. Bara ara nabi au mesupa hangko i Galilea.”

Yohane 6:14

Karaitana tauna bosa tanda kuasa iti, mololitamohe hadua hai hadua, rauli, “Ia mpuumi nabi au radandi hangkoia, au rauli ina mai i dunia!”

Lukasi 23:50

I tempo iti, ara hadua tobalilo au rahanga Yusupu au hangko i boea Arimatea i tampo Yudea. Yusupu iti, iami tauna au maroa laluna hai manoto babehiana. Mahaemi mampegia kahawena poparentana Pue Ala. Ia wori hadua tadulako i Pogombo Topeparesa Mahile Agama Yahudi, agaiana bara napokana pobotusinda tadulako iti au manguli Yesu hangangaa rahuku mate.

Lukasi 23:47

Kanaitana tadulako surodado apa au mewali iti, motoiami Pue Ala, nauli, “Tongawa mpuu! Ia ide tauna au manoto!”

Lukasi 18:19

Nahanai Yesu, Nauli, “Moapari hai nuuli, Iko tauna au maroaNa? Bara ara hadua tauna au maroa, batena pea Pue Ala.

Lukasi 7:16

Tauna au moitahe apa au mewali iti, langamohe hai mepongkamohe motoia Pue Ala, rauli, “Hadua nabi au makuasa ntepuu ara i olonta! Hawemi Pue Ala irikita taunaNa.”

Lukasi 6:45

Nodo wori i manusia. Tauna au maroa ina mohowara apa au maroa, lawi lalunda buke roa. Tauna au kadake ina mohowara apa au kadake, lawi lalunda buke dake. Lawi apa au ara i lalunta, iti wori au mesuwu hangko i humenta.”

Matiu 27:63

rauli, “Tua Gubernur, kikatuinao lolitana topodongko iti, lawi i tempona mani tuwo, Nauli, ‘Kaliuna talu alona, ina tuwo huleNa.’

Matiu 21:46

Ido hai rahaokimi rara bona mohaka Yesu, agaiana barahe bai. Mampokalangahe tauna bosa, lawi rauli tauna bosa Yesu iti iami hadua nabi.

Matiu 10:25

Apa au mewali i hadua guru, iti wori au ina mewali i topeguruna. Apa au mewali i hadua tuana, iti wori au ina mewali i hawina. Maroa-roakau, lawi Iko, Ampumi, hai ikamu, topeguruNgku. Mewali, ane rapana Iko rahanga Beelsebul, datunda ope-ope seta, pelumbunami ikamu au meula Iriko. Ina rakakabosai worikau.”