Yohane 7:1 - Sura Malelaha

¹ Roo indo, Yesu lao i humalele tampo Galilea. Barapi mau lao i tampo Yudea, lawi arahe tadulakonda to Yahudi inditi au mampeinao mopapate.

Yohane 7:1 Referans Kwoze

Yohane 4:3

Kanaisana Yesu apa au rahadi toParisi iti, padumi hangko i tampo Yudea mesule lao i tampo Galilea.

Matiu 21:38

Agaiana, i karaitana topokadipura bonde anana ampu bonde iti, mogombomohe, rauli: ‘Oloumi mai anana, ia au ina mewali ampu bonde ide. Agina tapapate, hai taala bondena hai ope-ope ihina.’

Yohane 7:19

Nabi Musa hangkoia moweikau Aturana Pue Ala. Agaiana barakau ara hadua au mampeulai Atura iti. Moapa hai nipeinaoNa nipapate?”

Matiu 10:23

Ane rapopeahi-ahikau i boea au hambua, padukau lao i boea hambuana. Bona niisa, Kuuliangaakau, hangko damanikau roo mobambari Ngkora Marasa i humalele tamponda to Isaraeli, Iko, Ana Manusia, ina hawe.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Yohane 4:54

Itimi tanda kuasa karompakana au nababehi Yesu i Galilea i kahaweNa hangko i Yudea.

Yohane 1:19

Idemi posabina Yohane au mopahawe kahemana Yesu. Hambela tempo, tadulakonda to Yahudi i Yerusale motudumohe bahangkia tadulako mpenomba hai to Lewi lao i Yohane. Kahawenda i Yohane, rauliangaa, “Tunggaiaki maingkai mekune irio ba hemako. Ba oiomi Datu Topehompo?”

Yohane 8:40

Mopahawena paturo au tou au Kudoko hangko i Pue Ala, agaiana nipeinaoriNa nipapate! Ane Burahima, bara nodo babehiana.

Yohane 8:37

Kuisa ikamu pemuleanakau Burahima. Agaiana arakau au mampeinao mopapateNa, lawi barakau modoko lolitaNgku.

Yohane 7:25

Karahadina ampu wanua Yerusale lolitana Yesu iti, wulimohe. Arahe au manguli, “Bara pae tauna itimi au rahaoki tadulakonta bona rapapate?

Markus 11:18

Karahadina kapala-kapala tadulako mpenomba hai guru agama apa au nababehi Yesu iti, mohaokimohe rara mopapate Yesu anti kalanganda Iria, lawi raisa ope-ope tauna matanahe mampehadingi paturoNa.

Yohane 6:1

Roo indo, laomi Yesu ntanda i orupena Rano Galilea, au rahanga wori Rano Tiberias.

Yohane 7:11

I posusaa iti, tadulakonda to Yahudi mohaoki liliu Yesu, rauli, “Iumbami tauna iti?”

Yohane 7:13

Agaiana bara ara hadua au bai mololita totongawa kana i Yesu, lawi mampokalangahe tadulakonda to Yahudi.

Yohane 7:35

Wulimohe tadulakonda to Yahudi mohadi lolitaNa, hai mombekune-kunemohe, rauli, “Ina laori wei iumba pane Nauli barapi talambi? Ba ina lao i tampo ntanina maida hihimbela hai to Yahudi au mampogaloahe to Yunani bona mopaguruhe to Yunani inditi?