Yohane 6:68 - Sura Malelaha

⁶⁸ Mehana Simo Peturu, nauli, “Ane kipalehiKo Pue, i hemamongkai lao? Oio pea au mohowara lolita au mopaara katuwo maroa hawe i hae-haena.

Yohane 6:68 Referans Kwoze

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Suro 4:12

Hangko inditi, nauli mbulimi Peturu, “Bara ara rara ntani molambi katuwo maroa hangko i Pue Ala, batena pea Yesu. Lawi i humalele dunia ide, bara ara tauna ntanina, batena pea Yesu au natudu mai Pue Ala i manusia, hai Ia pea au Nabuku mohoremake hangko i huku dosanta.”

Suro 5:20

“Laomokau i Souna Pue Ala, nipahawe ope-ope Ngkora kana katuwo au wou i tauna bosa.”

Suro 7:38

Musa iti au mokampaihe to Yahudi au bosa i pada wungi. Ia hihimbela hai toiorunta hangkoia, hai ia wori au mohadi lolitana malaeka i Bulu Sinai. Iami au modoko Ngkora Ngkatuwo hangko i Pue Ala bona rapahaweake duuna ide-ide.

Yohane 6:63

Inaonami Pue Ala au mowei katuwo. Kamaroho manusia bara mobundu. Lolita au Kupahaweakau mesuwu hangko i Inaona Pue Ala hai katuwo.

Matiu 16:16

Nahanai Simo Peturu, nauli, “Oiomi Datu Topehompo, Anana Pue Ala au tuwo.”

Yohane 6:40

Idemi peundeana UmaNgku: bona ope-ope tauna au moitaNa hai au mepoinalai Iriko AnaNa, ina molambihe katuwo maroa au bara mokahopoa, hai ina Kupopearohe i alo pebotusi.”

Yohane 17:8

Kupahaweamohe ope-ope lolita au NupahaweaNa. Lolita iti radokomi, hai ide-ide tou-tou mpuu raisami Iko hangko IrioNa mai. Rapoinalaimi kaOiona au motuduNa.

Markus 8:29

Napekune mbulihe, Nauli, “Ane moula pelambiami, ide Iko, hemaNa?” Nahanai Peturu, “Oiomi Datu Topehompo!”

Lukasi 9:20

Napekune mbulihe, Nauli, “Ane moula pelambiami, ide Iko, hemaNa?” Nahanai Peturu, “Oiomi Datu Topehompo au nadandi Pue Ala!”

Yohane 12:49

Lawi lolitaNgku bara hangko i peundeaKu. Mopahawe hai mampololita peana apa au naparentaiaNa UmaNgku, lawi Ia au motuduNa mai.

Yohane 12:50

Hai Kuisa, hema au mampeulai parenta iti ina molambi katuwo maroa au bara mokahopoa. Mewali, apa au Kupololita ide, nodo lolita au napahaweaNa UmaNgku.”

Suro 13:26

“Halalungku pemuleana Burahima, hai ikamu wori au barakau to Yahudi au menombakau i Pue Ala: irikita rapahawe bambari au mopakanoto rara bona peisake tekabaha hangko i huku dosanta.

Suro 8:37

[Nahanai Pilipu, “Ane tou-tou mpuu nupoinalaimi, peisamoko kuriu.” Nauli to Etiopia iti, “Kupoinalai mpuu Yesu Kerisitu iami Anana Pue Ala.”]