Yohane 3:14 - Sura Malelaha

¹⁴ Hangkoia i pada wungi, to Isaraeli nahukuhe Pue Ala pane natilohe ile. Pue Ala motudu nabi Musa mobabehi ile hangko i tambaga, bona nawoli i wuntu kau hai natindaka. Hema peahe au natilo ile hai mampengoahe ile tambaga iti, hangangaa maoha hai tuwohe. Mewali, nodo ile tambaga iti rapamapangka i pada wungi, nodo wori Ana Manusia hangangaa rapamapangka i kau mombehape,

Yohane 3:14 Referans Kwoze

Yohane 8:28

Ido hai Nauliangaa mbulihe, “Ane mopamapangkamokau Ana Manusia, hangko niisari Ikomi au rauli ‘IKO ARA’, hai bara ara hampaka au Kubabehi moula peundeaKu. BateNgku pea mampololita apa au NapaturoaNa UmaNgku.

Suro 2:23

Hintoto hai tunggaia hai peundeana Pue Ala lawi naisa amimi, rahuhumi Yesu irikamu bona nipapate. Hai nihuhuahe i tauna au kadake rapapate i kau mombehape.

Matiu 26:54

Agaiana ane taewahe au mohakaNa ide, bara ina tepabukei apa au teuki i lalu Sura Malelaha hangkoia au manguli ope-ope iti hangangaa mewali Iriko.”

Lukasi 24:20

Kapala-kapala tadulako mpenomba hai totosaengki i boea mohuhu Ia i topoparenta bona rahuku mate. Ido hai Yesu rapakumi i kau mombehape.

Matiu 8:20

Nahanai Yesu, Nauli, “Serigala ara kalolunda, hai tadasi ara haranda, agaiana Iko, Ana Manusia, bara ara sou au Kupaturui.”

Yohane 6:51

Ikomi paande au mendaulu mai hangko i suruga, paande au mepatuwo! Tauna au moande paande ide molambihe katuwo au bara mokahopoa. Paande au mepatuwo ide, lempona wataNgku au Kukira bona manusia molambi katuwo.”

Yohane 18:32

(Ide mewali bona tepabukei apa au nauli Yesu kana i kapateNa.)