Yohane 3:11 - Sura Malelaha

¹¹ Tou ide lolitangKu: Mampololitangkai apa au kiisa, mosabingkai apa au kiita. Agaiana barakau mau modoko lolitangki.

Yohane 3:11 Referans Kwoze

Yohane 8:38

Apa au kuita hangko i UmaNgku, itimi au Kuuliangaakau. Agaiana ikamu mobabehi apa au napaturoakau umami.”

Yohane 14:24

Tauna au bara maahi Iriko, barahe moula lolitaNgku. Lolita au nihadi hangko Iriko, katouana bara hangko Iriko, agaiana hangko i UmaNgku au motuduNa.

Yohane 12:49

Lawi lolitaNgku bara hangko i peundeaKu. Mopahawe hai mampololita peana apa au naparentaiaNa UmaNgku, lawi Ia au motuduNa mai.

Yohane 8:14

Nauli Yesu, “Nauri mololitaNa kana i wataNgku haduduaNgku, batena tou lolitaNgku, lawi Kuisa kahangko iumbaKu mai hai Kuisa iumba kalaoaNgku. Agaiana ikamu, bara niisa kahangko iumbaKu mai hai iumba kalaoaNgku.

Yohane 7:16

Nauliangaahe Yesu, “Au Kupaguruakau, bara hangko Iriko, agaiana hangko i Pue Ala au motuduNa.

Yohane 1:18

Bara ara hadua au moita Pue Ala, batena pea AnaNa Haduduana au ara liliu hihimbela hai Ia. Iami au mopakanotoake kahemana Pue Ala.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Yohane 1:11

Mogalori i tampoNa haduduaNa, Ia bara radoko.

Lukasi 10:22

Roo indo, nauli mbuli Yesu, “Hinangkana naweimoNa UmaNgku. Bara ara hadua au moisa kaIkona Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.”

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,

Suro 22:18

Kuita Pue Yesu mololita iriko, Nauli, ‘Holigamoko padu hangko i Yerusale, lawi bara ina rapoinalai to Yerusale posabimu kana Iriko.’

Yohane 5:43

UmaNgku au motuduNa mai, hai kuasaNgku Kulambi hangko Iria. Nauri nodo baraNa nidoko. Agaiana ane arahe au mai i lalu kuasanda haduduanda, ihirari au nidoko.

Yohane 3:13

Bara ara hadua hangko i dunia ide au mengkaore lao i suruga. Batena pea Iko, Ana Manusia, au moisa apa au mewali i suruga, lawi Iko mendauluNa mai hangko i suruga.

Yohane 3:5

Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Matiu 23:37

“To Yerusale, to Yerusale! Mopapatemokau nabi-nabi. Hai tauna au natudu Pue Ala lao irikamu, niwatuihe. Bosa belana Kupeinao mokalapuikau nodo hambaa manu ntina au motaoboki anana, agaiana bara niunde.

Matiu 11:27

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Pampetudungia 3:14

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Laodikia: Idemi lolitana Pue Yesu, au rahanga ‘Amin’. Iami Sabi au mopahawe liliu apa au tou. Iami Patoana ope-ope au napopewali Pue Ala.

Yohane 3:12

Kutuntuakau apa au mewali i dunia, agaiana bara nipoinalai lolitaNgku. Apa mani ane Kutuntuakau apa au mewali i suruga.

Yohane 8:26

Ngkaia mani au ina Kusalaiakau. Agaiana Ia au motuduNa, hintoto mpuu rapoinalai, hai apa au Kuhadi hangko Iria, itimi au Kupahawe irikamu i dunia.”