Yohane 20:28 - Sura Malelaha

²⁸ Nauli Tomas, “Oiomi Ampuku hai Pue Ala au kupenombai!”

Yohane 20:28 Referans Kwoze

Yohane 1:1

Nguru-nguruna, hangko damani dunia rapopewali, arami Ngkora. Ngkora iti, aminami hihimbela hai Pue Ala, hai Ngkora iti iami Pue Ala haduduaNa.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Matiu 14:33

TopeguruNa au i lalu duanga iti menombahe Iria, rauli, “Tou mpuu, AnanaKo Pue Ala!”

Yohane 5:23

Ia mobabehi nodo bona rabilaNa ope-ope tauna nodo pebilanda i UmaNgku. Hema au baraNa mobila, bara worihe mobila UmaNgku au motuduNa.

Lukasi 24:52

Molingkudumohe menomba Iria, pane mesulehe i Yerusale hai matana mpuu lalunda.

Yohane 20:16

Nauli Yesu, “Maria.” Membalilimi Maria i Yesu, hai mololita i lalu basanda to Yahudi, “Rabuni!” (Lempona, ‘Guru’.)

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 20:27

Roo indo, Yesu mouliangaa Tomas, “peita hai nuperera pepakua au i taieNgku. Hai nupetobo wori petambukua i lompeKu. Ineemi bata-bata lalumu. Nupoinalaimi!”

Yohane 20:29

Nauli Yesu i Tomas, “Mepoinalaiko lawi nuitamoNa. Morasihe tauna au mepoinalai Iriko, kehapiri baraNa raita.”