Yohane 20:23 - Sura Malelaha

²³ Hema au niampungi dosana, naampungi wori Pue Ala. Hema au bara niampungi dosana, bara wori naampungi Pue Ala.”

Yohane 20:23 Referans Kwoze

Matiu 18:18

Nipehadingi: apa au nibotusi i dunia, aminami tebotusi i suruga. Ane niuli hadua tauna hangangaa rahuku, ia nahuku worimi Pue Ala. Ane niuli hadua tauna raampungi dosana, naampungi worimi Pue Ala.

Matiu 16:19

Ina Kuweiko kuasa motosaengi taunana Pue Ala. Mewali, apa au nubotusi i dunia, iti nabotusimi Pue Ala i lalu suruga. Ane nuuli hadua tauna hangangaa rahuku, Pue Ala mohukuhe. Ane nuuli hadua tauna raampungi dosana, Pue Ala moampungi.”

1 Timotiu 1:20

Arahe rodua au marugi pepoinalainda iami Himeneus hai Aleksander. Ihira iti kuhuhuhe i kuasana Datu Tokadake bona molambihe pehuku datihe mopapakoi kuasana Pue Ala.

Suro 10:43

Ope-ope nabi hangkoia mampololita kana i Yesu iti, rauli: hema-hema au mepoinalai Iria, dosanda teampungi anti kuasaNa.”

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Epesu 2:20

Ikita au mepoinalai i Yesu peisake rapandiri nodo sou au naaro Pue Ala. Surona Pue Yesu hai nabi-nabi, ihirami ariina. Hai Kerisitu Yesu, iami watu pohudaa sou.

Yohane 20:22

Roo indo, Natawuehe pane Nauli, “Nidokomi Inao Malelaha.