Yohane 18:4 - Sura Malelaha

⁴ Naisa Yesu ope-ope au hangangaa mewali i wataNa. Ido hai laomi mampohidupaahe tauna iti, Napekune, “Hema nihaoki?”

Yohane 18:4 Referans Kwoze

Yohane 13:1

Hangalo hangko damani hawe Alo Posusa Pasa, naisami Yesu kaina hawenami tempoNa mopalehi dunia hai mesule i UmaNa. Ia mampokaahihe ope-ope tauna au meula Iria, hai batena Napokaahihe duuna i kahopoana.

Yohane 18:7

Napekune mbuli Yesu, “Hema nihaoki?” Rauli, “Yesu to Nasare.”

Suro 2:28

Nutudungiana rara au monontohi katuwo Nuweina katana au mahile i lindoMu.’”

Yohane 19:28

Naisa Yesu hinangka tunggaiaNa mai i dunia hopomi pane mololitami, Nauli, “MangkadouNa” bona tepabukei apa au teukimi i lalu Sura Malelaha.

Yohane 13:11

Yesu mololita nodo, lawi Naisa ami kahemana au ina mampobalu wataNa. Ido hai Nauli, “Tebahoimokau, agaiana barakau ope-ope.”

Yohane 6:64

Nauri nodo, ara manihe hanggaa i olomi au bara mepoinalai.” (Yesu manguli nodo lawi Naisami hangko i nguru-nguruna kahemanda au bara ina mepoinalai Iria, hai Naisa worimi kahemana au ina mampobalu wataNa.)

Lukasi 24:44

Roo indo, mololitami Yesu irihira, Nauli, “Ope-ope au teuki i lalu Sura Aturana Musa, suranda nabi hai i sura Petoia kana i wataNgku hangangaa tepabukei. Ide lolitaNgku au Kupahaweamokau i tempoKu mani hihimbela hai ikamu.”

Matiu 26:31

Hangko inditi, Yesu mouliangaahe, “Deade kaindi, ikamu ope-ope ina mopalehiNa, lawi ara teuki i lalu Ngkorana Pue Ala node, ‘Toporewu iti ina rapapate, alana dimbana mahawuhe.’

Matiu 26:21

Tanganda maande, nauli Yesu, “Tou mpuu ide lolitaNgku, hadua hangko irikamu ina mampobaluNa.”

Matiu 26:2

“Niisa rongalo rai, ina hawe alo mahile Pasa. Hai Ana Manusia ina rahuhu bona rapaku i kau mombehape.”

Matiu 16:21

Mepongka hangko inditi, Yesu mopakanoto i topeguruNa apa au hangangaa mewali i wataNa, nauliangaahe, “Hangangaa laoNa i Yerusale. Inditi ina rapopeahi-ahiNa totosae boea, kapala-kapala tadulako mpenomba hai guru-guru agama. Ina rapapateNa, agaiana i kataluna alona, ina tuwo huleNa.”

1 Peturu 4:1

Mewali, Kerisitu molambimi kapari tangana mani tuwo i dunia ide. Ido hai ikamu wori hangangaa nipakaroho lalumi bona masilolongakau mohalea kapari nodo Ia. Lawi hema au mohaleami kapari au nodo, barapi ina mobabehi dosa.

Yohane 18:5

Rauli, “Yesu to Nasare.” Nauli Yesu, “Ikomi.” (Yudasi, au mampobalu Yesu, meangka inditi hihimbela hai ihira.)