Yohane 16:27 - Sura Malelaha

²⁷ lawi Napokaahi worikau UmaNgku. Ia mampokaahikau, lawi nipokaahiNa, hai nipoinalai hangko i Pue AlaNa.

Yohane 16:27 Referans Kwoze

Yohane 14:21

Tauna au modoko hai moula hawaNgku, ia au mampokaahiNa. UmaNgku mampokaahi tauna au mampokaahiNa, hai Iko wori mampokaahi tauna iti, hai Kupatongawaa wataNgku.”

Yohane 14:23

Nauli Yesu, “Tauna au mampokaahiNa mampeulaihe lolitaNgku. Ihirami au napokaahi UmaNgku. UmaNgku hai Iko ina mai i tauna iti hai maidaNgkai irihira.

Yohane 17:23

Iko mohintuwu hai ihira, hai Oio mohintuwu hai Iko bona ihira ina mewali mpuuhe hampepekiri. Ane nodo, ope-ope tauna ina moisa kaOiona au motuduna hai kaNupokaahinda tauna au mepoinalai Iriko nodo kaNupokaahiNgku.

1 Peturu 1:8

Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.

1 Korintu 16:22

Tauna au bara mampokaahi Pue Yesu, hararamohe i Pue Ala. Maranata! MaimoKo, Pue!

Yohane 8:42

Nauli Yesu, “Ane tou-tou mpuu Pue Ala Umami, kenipokaahiNa, lawi Iko hangko i Pue AlaNa mai, hai Ikomi SuroNa. MaiNa bara moula peundeaKu haduduaNgku. Agaiana moulaNa peundeana Pue Ala, lawi Ia au motuduNa.

1 Yohane 4:19

Mampokaahike Pue Ala hai halalunta, lawi Pue Ala iorumi mampokaahike.

2 Korintu 5:14

Anti kamaahina Kerisitu irikami, ido hai kipari-pari mampopolumao bagongki mopahawe Ngkora Marasa. Lawi kiisa, Kerisitu mate mohuru dosa ope-ope tauna, iti lempona mate hahamoke.

Yohane 16:30

Ide-ide kipoinalaimi Oio moisa hinangkana. Barapi paraluu kipetandakaKo. Ide-ide kipoinalai mpuu hangko i Pue AlaKo.”

Matiu 10:37

Hema au melumbu pampokakaiana inana ba umana pane pepokaahina Iriko, bara hintoto mewali topeulaNgku. Hema au melumbu pampokakaiana anana pane pepokaahina Iriko, bara hintoto mewali topeulaNgku.

Pampetudungia 3:19

Ope-ope tauna au Kupokaahi, Kupaturo hai Kukambaroa bona moulahe paturoNgku. Ido hai Kuuli, nibaliki lalumi, hai menosokau!

Pampetudungia 3:9

Arahe tauna au mouli kaihiranda to Yahudi, agaiana dongkonda pea. I lalunda, barahe to Yahudi; topegurunarihe Datu Tokadake. Tauna iti, ina Kuanti irikamu. Ina molingkuduhe i lindomi, hai rapangaku kaKupokaahimi.

Epesu 6:24

Pue mowati ope-ope tauna au mampokakaia Amputa Yesu Kerisitu hai ahi au bara ara kahopoana. Hangko iriko PAULU

Ibarani 12:6

Lawi Pue Ala mokambaroa ope-ope tauna au Napokaahi, hai mokarumpui ope-ope tauna au Napoana.”

1 Timotiu 1:15

Manoto mpuu lolita au manguli: “Kerisitu Yesu mai i dunia bona mohorema tomadosa hangko i huku dosanda.” Tou mpuu lolita iti hai hintoto tapoinalai. Hai hangko i ope-ope tomadosa, ikomi au melumbu dosangku.

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.

1 Korintu 15:47

Adama au kaisa hangko i dunia hai rateru hangko i awu tampo, agaiana Adama au kadua hangko i suruga, iami Kerisitu.

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

Yohane 7:29

Iko, Kuisa lawi hangko IriaNa mai, hai Iami au motuduNa.”

Yohane 3:13

Bara ara hadua hangko i dunia ide au mengkaore lao i suruga. Batena pea Iko, Ana Manusia, au moisa apa au mewali i suruga, lawi Iko mendauluNa mai hangko i suruga.

Yohane 2:11

Yesu mobabehi tanda kuasa au nguru-nguruna iti i boea Kana i tampo Galilea. Hai tanda kuasa iti, Ia mopatongawa peawaNa. Roo indo, rapoinalaimi topeguruNa.