Yohane 13:21 - Sura Malelaha

²¹ Karoona Yesu mololita nodo, wiorami laluna, hai Nauli, “Tou mpuu lolitaNgku ide: hadua hangko irikamu ina mampobaluNa.”

Yohane 13:21 Referans Kwoze

Matiu 26:21

Tanganda maande, nauli Yesu, “Tou mpuu ide lolitaNgku, hadua hangko irikamu ina mampobaluNa.”

Yohane 13:18

Apa au Kupololita inona, barakau nakanai ope-ope. Hema-hema au Kupilei Kuisa, amimi poampena. Agaiana hangangaa tepabukei apa au teuki i lalu Sura Malelaha au manguli: ‘Hadua tauna au maande hihimbela hai Iko, ia au ina mampoiwaliNa.’

Markus 14:18

Tanganda mohuda, mololitami Yesu, Nauli, “Tou mpuu lolitaNgku ide: hadua hangko irikamu au maande sambelake ide-ide, ina mampobaluNa.”

Yohane 12:27

“Masusa mpuu ide laluNgku. Barapi Kuisa apa au hangangaa Kuuli, ina mekakaena Kuuli: ‘Uma, Nukabaha wongkoia hangko i kapari au ina morumpaNa!’ Agaiana idomi tunggaiaKu mai i dunia bona mantodihaNa kapari iti.

Yohane 11:33

Yesu moita Maria moteria hai to Yahudi au napohimbelaa moteria wori, ido hai wiora mpuu laluNa.

1 Yohane 2:19

Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.

Suro 17:16

Tangana Paulu mampegia Silas hai Timotiu i Atena, masusa laluna moita kangkaiana watu molindo au rapenombai to Atena.

Yohane 13:2

Kaindi iti Yesu hai topeguruNa maande sambelahe. I tempo iti, Datu Tokadake mokaleami laluna Yudasi anana Simo Iskariot bona mampobalu Yesu.

Yohane 11:38

Hangko inditi, tetambaimi kawiorana Yesu, pane laomi i talumba. (Talumba iti, iami kalolu au rakae i tabingke bulu au ratuko hai watu mahile.)

Yohane 11:35

Teriami Yesu.

Markus 3:5

Membalilimi Yesu mototokihe. Rumpumi hai masusa laluNa anti kamatuana lalunda, hai mouliangaami tauna au wara taiena, “Ona taiemu!” Naona mpuumi taiena hai liliu maoha.

Matiu 26:38

Nauliangaahe, “Mapari mpuu laluNgku, nodoNa ina mate Kuhadi. Indemokau hampai, niporangaiNa mekakae. Ineekau leta!”

Yohane 13:22

Anti kawulinda topeguruNa, mombetototokimohe lawi bara raisa kahemana au Natunggai.