Yohane 13:1 - Sura Malelaha

¹ Hangalo hangko damani hawe Alo Posusa Pasa, naisami Yesu kaina hawenami tempoNa mopalehi dunia hai mesule i UmaNa. Ia mampokaahihe ope-ope tauna au meula Iria, hai batena Napokaahihe duuna i kahopoana.

Yohane 13:1 Referans Kwoze

Yohane 12:23

Nauliangaahe Yesu, “Hawemi tempona, Ana Manusia rapomahile.

1 Yohane 4:19

Mampokaahike Pue Ala hai halalunta, lawi Pue Ala iorumi mampokaahike.

Yohane 13:34

Kuweikau hawa au wou: mombepokaahimokau. Hangangaa mombepokaahikau nodo kaKupokaahimi.

Yohane 16:28

MeangkaNa hangko i UmaNgku maiNa i dunia ide. Ide-ide, ina Kupalehimi dunia ide, hai mesuleNa i UmaNgku.”

Yohane 13:3

Agaiana naisa Yesu kanaweiNami UmaNa ope-ope kuasa. Naisa wori Ia hangko i Pue Ala, hai ina mesule hule i Pue Ala.

Yohane 18:4

Naisa Yesu ope-ope au hangangaa mewali i wataNa. Ido hai laomi mampohidupaahe tauna iti, Napekune, “Hema nihaoki?”

1 Korintu 1:8

Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.

Yohane 17:16

Iko baraNa hampepekiri hai tauna au bara mepoinalai, nodo wori topeguruNgku barahe hampepekiri hai ihira.

Yohane 17:1

Karoona Yesu mopahawe ope-ope iti, mengoami hai mekakae, Nauli, “UmaNgku, hawemi tempona! Popeawamide AnaMu bona AnaMu mampopeawa woriKo Uma.

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,

Ibarani 3:14

Lawi ikita ide mohintuwu hai Kerisitu, asala apa au tapoinalai hangko i nguru-nguruna takingki liliu hangko i lalunta au bara bata-bata duuna i kahopoana.

Yohane 17:5

Ido hai Kuperapi bona Nupopeawa suleNa himbela hai peawaMu, nodo peawaNta hangko damani dunia ide rapopewali.

Matiu 26:45

Karoona mekakae, mesule mbulimi i topeguruNa au talu, Nauliangaahe, “Maturu hai leta manikau pae? Peita, hawemi tempona Iko Ana Manusia ina rapobalu hai rahuhu i tauna au kadake.

1 Peturu 1:13

Mewali, halalu, anti kamarohona peharungami, ido hai kuuliangaakau: nipakanoto pekirimi, nirempeki peundeana lalumi au kadake, hai nipakaroho peharungami i kabulana laluNa au ina raweikau ane hawe hulemi Yesu Kerisitu.

Ibarani 6:11

Agaiana kiperapi mpuu halalu, bona nipari-pari mopaliliu babehia iti duuna i kahopoana, bona mohumba mpuukau apa au niharunga hangko i Pue Ala.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Roma 8:37

Agaiana kehapiri ba apa au morumpake, batena menangi liliuke, anti pepokakaiana Yesu irikita!

Yohane 17:26

Kupopaisaamohe kahemaMu, hai batena Kupahawe liliu kahemaMu bona mampokaahihe ranganda nodo kaNupokaahiNgku, hai bona mohintuwuhe hai Iko.”

Yohane 14:28

Nihadimi lolitaNgku inona au manguli: ‘Ina paduNa, hai ina mesule huleNa irikamu.’ Ane nipokaahi mpuuNa, hangangaa nipokatana wori kalaoNgku i UmaNgku, lawi UmaNgku meliu kamahilena tuwoNa pane Iko.

Yohane 11:55

I tempo iti, hungkumi alo mahile agama Yahudi au rauli Alo Posusa Pasa. Hangko damani alo mahile iti, bosa tauna hangko i boea-boeana lao i Yerusale bona mobahoihe watanda moula ada agamanda.

Yohane 7:30

I tempo iti, rapeinaomi mohaka Yesu, agaiana bara ara au bai mokingki, lawi bara mani hawe tempoNa.

Yohane 7:6

Mewali nahanaihe Yesu, Nauli, “Bara mani hawe tempona mopatongawaNa wataNgku. Ane ikamu, impira pea niunde lao i Yerusale peisa,

Yohane 6:4

I tempo iti, hungkumi alo mahile agama Yahudi au rahanga Alo Posusa Pasa.

Lukasi 22:53

Alo-alona araNa hihimbela hai ikamu i Souna Pue Ala mepaturo. Moapa hai baraNa nihaka i tempo iti? Agaiana kaindi rai hangko baikau mohakaNa. Idemi tempomi, lawi ide wori tempona Datu Tokadake au makuasa i hinangkana au makaindi!”

Lukasi 9:51

Hungkumi tempona Yesu ina mengkaore lao i suruga, Ia mopakanotomi tunggaiaNa lao i Yerusale.

Matiu 28:20

hai nipaturomohe bona mampeulaihe hinangkana au Kuhawaamokau. Hai bona niisa, ina Kuporangaikau duuna hawe i kahopoa dunia ide.”

Yohane 8:20

Ope-ope iti napahawe Yesu tangana mepaguru i tabangaa Souna Pue Ala i hola peti pambolia doi popenomba. Agaiana bara mani rahaka, lawi bara mani hawe tempoNa.

Yohane 2:13

Ina hawemi tempona alo mahile agama Yahudi au rauli Alo Posusa Pasa, laomi Yesu i Yerusale.

Yohane 13:29

Hanggaahe mampehangu Yesu motudu Yudasi lao moholo apa au raparaluu i posusanda, ba mowei doi i tauna au meahi-ahi, lawi Yudasi topamboli doi.

Yohane 14:31

Agaiana hinangkana ide hangangaa mewali bona ope-ope tauna ina moisa kaKupokaahina UmaNgku hai kaKupeulaina liliu ope-ope au NahawaaNa. Maimokau, padumoke hangko inde.”

Yohane 19:28

Naisa Yesu hinangka tunggaiaNa mai i dunia hopomi pane mololitami, Nauli, “MangkadouNa” bona tepabukei apa au teukimi i lalu Sura Malelaha.