Yohane 10:4 - Sura Malelaha

⁴ Ane opemohe dimbana i raoa, molumaomi iorunda, hai dimbana meulahe iria, lawi raisa mampekatandai wotuna.

Yohane 10:4 Referans Kwoze

Yohane 10:16

Ara manihe dimbaKu au ntanina, agaiana barahe hangko i gimpu ide. Ihira, hangangaa Kunini worihe mai. Ina raisa mpuu wotuNgku, ina mewali peahe hantobu, hai hadua pea au mamporewuhe.

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Yohane 18:37

Nauli mbuli Pilatu, “Ane nodo, tou mpuu pae datuKo?” Nauli Yesu, “Nodo au nuuli Iko ide datuNa. Ido hai rapoanakaNa i dunia ide bona mopahaweNa apa au tou. Tauna au naunde moula apa au tou, mampehadingihe lolitaNgku.”

1 Peturu 2:21

Idomi pongkana pane nakakiokau Pue Ala bona maroa babehiami kehapirikau rapopeahi-ahi. Lawi Kerisitu mohalea kapari anti kaikamuna, hai Ia mewali pandiri irikamu bona nipeulai poantiNa.

1 Peturu 5:3

Ineehe nipohawaa tauna au rapoinalaiakau nodokau hadua topoparenta mampohawaa taunana. Agaiana hangangaa mewalirikau pandiri irihira

1 Korintu 11:1

Nipeulaimi poantiku, nodo iko mampeulai poantina Kerisitu.

Yohane 10:8

Ope-ope tauna au mai hangko da Iko au mouli kaihirana toporewu au maroa, moleri topanangka hai tokadakehe. Agaiana dimbaKu, barahe meula i pekakionda.

Matiu 16:24

Roo indo, Yesu mouliangaahe topeguruNa, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.

Ibarani 6:20

Barake langa hawe i lindoNa, lawi Yesu moiorumi mesua inditi, mobungkahiake rara bona taula. Yesu, au mopaliliu bagona Melkisedek, mewali Tadulako Mpenomba Mahilenta hawe i hae-haena.

Epesu 5:1

Mewali, lawi napoanamokau Pue Ala hai Napokaahikau, ido hai hangangaa moulakau poantina Pue Ala.

Yohane 3:29

Napaliliu Yohane lolitana, nauli, “Pandirina i posusa petauna, torabua tobalilo mewali patoa posusa lawi torabua towawine iami ampuna. Topeporangaina meangka pea i holana mampehadingi hawana, hai matana mpuu ane mohadimi lolitana toratauna tobalilo. Nodo wori iko, nodona tauna au meporangai iti, rumihi mpuu kamatanangku mohadi lolitana Yesu.

Yohane 13:15

Kupopaitaakau pandiri ide inona bona apa au Kubabehi nipeulai. Iko motulungikau, mewali ikamu wori hangangaa motulungi worikau rangami.

1 Peturu 4:1

Mewali, Kerisitu molambimi kapari tangana mani tuwo i dunia ide. Ido hai ikamu wori hangangaa nipakaroho lalumi bona masilolongakau mohalea kapari nodo Ia. Lawi hema au mohaleami kapari au nodo, barapi ina mobabehi dosa.

Yohane 10:3

Topokampai gimpu mobungkahia babaka, hai dimbana, raisa mampekatandai wotuna. Toporewu iti mokakio hanganda hambaa-hambaa hai naerihe lao i raoa.

Yohane 10:5

Barahe moula tauna ntanina. Ane ara tauna au bara toporewunda au mokakiohe, tauna iti rapelangkaha, lawi bara raisa wotuna.”

Yohane 10:27

Dimbaku mohadi wotungku. Kuisa mpuuhe, hai raulana.