Yohane 1:4 - Sura Malelaha

⁴ Iami pongka katuwo. Hai katuwoNa mopamabaa laluna manusia.

Yohane 1:4 Referans Kwoze

Yohane 8:12

Roo indo, mololita mbulimi Yesu mepaturo, Nauli, “Ikomi pewangka au mopamabaa lalu manusia i humalele dunia. Tauna au meula Iriko, barahe molumao i kamakaindi. Batena molambihe kamabaa au mopaara katuwo au bara mokahopoa.”

Yohane 12:46

MaiNa i dunia ide mewali pewangka bona ope-ope tauna au mepoinalai Iriko barapohe maida i lalu kamakaindi.

Yohane 5:26

Lawi UmaNgku makuasa mopatuwo tauna. Nodo wori Iko, AnaNa, NaweiNa kuasa mopatuwo tauna.

Yohane 9:5

TangaNgku mani i dunia, Ikomi pewangka au mopamabaa lalu manusia i humalele dunia.”

Yohane 11:25

Nauli Yesu, “Iko idemi au mampopearo tomate, hai au mepatuwo. Tauna au mepoinalai Iriko, nauri matemohe, ina tuwo hulehe.

1 Yohane 5:11

Idemi posabina Pue Ala: Ia moweimoke katuwo maroa au bara mokahopoa, hai katuwo iti talambi anti pohintuwuta hai AnaNa.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Yohane 12:35

Nauliangaahe Yesu, “Hampalai pearai, pewangka au mopamabaakau ide-ide barapi ina ara hihimbela hai ikamu. Molumao liliumokau i lalu kamabaana i tempona pewangka iti ara mani irikamu bona datikau narumpa kamakaindi. Tauna au molumao i lalu kakaindiana, bara raisa iumba kalaoanda.

Epesu 5:14

Ido hai ara lolita au manguli: “Mearomokau au leta, Mearomokau hangko i kapate, hai Kerisitu ina mowangkahikau.”

Matiu 4:16

Hangkoia, tauna inditi tuwohe i lalu kamakaindi, hai monontohihe kapate. Agaiana ide-ide, moitamohe pewangka au mahile, lawi mesupami hadua tauna au nodo alo au mowangkahihe.”

Suro 26:23

au manguli: Datu Topehompo hangangaa rapopeahi-ahi hai rapapate, hai Iami au nguru-nguruna tuwo hule hangko i kapate. Hai hangko indo, Ia mobambari Ngkora Marasa i ope-ope tauna, maroa to Yahudi maroa au barahe to Yahudi.”

Lukasi 2:32

Datu Topehompo ide iami pewangka au ina mopakanoto lalunda tauna au barahe to Isaraeli bona raisaKo, Pue. Hai Ia ide ina moanti pebila i anaMu, ikami to Isaraeli.”

1 Yohane 1:2

Au mopaara katuwo iti hawemi i dunia ide, hai kiitami. Ido hai kipakanotoakau kahemaNa. Kisabikimi kaIana au mopaara katuwo maroa au bara mokahopoa. Ia au ara hihimbela hai Pue Ala Umanta, hai au rapatongawami irikami.

Yohane 5:21

Nodo UmaNgku mampopearo tomate hai moweihe katuwo, Iko wori mowei katuwo i hema pea moula peundeaKu.

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”

1 Korintu 15:45

Ara teuki i lalu Sura Malelaha au manguli, “Tauna au nguru-nguruna napopewali hai napatuwo Pue Ala iami Adama. Agaiana Kerisitu peisa rauli Adama au kahopoana. Iami au moweike katuwo maroa au bara mokahopoa.”

Pampetudungia 22:1

Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,

Yohane 3:19

Idemi au rahukuahe: Baa hawemi i dunia. Agaiana manusia mounde mani kamakaindi pane kamabaa, lawi kadake babehianda.

1 Yohane 1:1

Sura ide mampololita kana i Ngkora au mopaara katuwo. Ngkora iti, arami hangko i nguru-nguruna, kihadimi, kiita matami, kisabikimi hai kipetobomi.